我的狗仔已訂31號做絕育手術, 請問事前事後要注意什麼, thanks

呢段時間你要注意佢有冇起水, 如果起水就唔可以做絕育手術喇, 要過左之後先再book過日期。最好同佢沖乾淨涼先, 因為手術後14日係唔可以沖涼o架, 我隻99剛做完絕育手術, 我都係日日同佢抺下身咋。另外, 手術前10小時唔好飲食, 為免佢手術中俾嘔吐物窒息, 同埋手術後嘔吐。

手術後, 你可以俾小小水佢飲, 食物方面佢有胃口的話, 可似俾小小佢食, 如果唔想食就由得佢, 因為佢會好累, 當晚要好好俾佢休息。第二日應該會有d精神, 可以俾野佢食, 大約7成飽就可以喇, 因為怕佢胃部唔適應, 會嘔, 所以唔使食到好飽, 同埋有野係胃先可以食消炎藥o架!

切記要帶頭罩, 唔好除左佢, 因為佢地一定lam傷口的, lam左就會發炎架喇, 最驚係佢可能去咬d 線o架, 咬斷d 線好嚴重o架!! 我隻99就係我地心軟除左頭罩俾佢抖下氣, 點知佢就lam到傷口發炎, 要去vet度洗傷口呀, 仲要麻醉拆開d 線黎洗呀, 幾心痛呀! 所以千祺唔可以除頭罩呀!! 通常三四日度, 個傷口就會收水o架咋, 如果你仲發現佢紅腫流血水或流膿, 佢就可能傷口發炎喇, 咁你要快d 帶佢返vet度啦, 如果唔係好易細菌感染o架!

另外, 唔好俾個傷口濕水, 同埋唔好俾隻99訓係濕o既地上面囉, 最緊要留意佢個傷口情況呀!!

如無意外, 10-14日可以去拆線o架喇. 我隻99今個星期都去拆線lu......

除了之前一晚不要給她吃東西外，請你先幫她修剪一下在肚仔位置的毛及沖涼，因為手術後，會有一段日子是不可洗澡，修剪一下在肚仔位置的毛，會較為清潔啊。

在31號零晨開始不要吃東西及飲水，因為第一會令狗隻嘔吐外，還會，因狗隻體內會有食物渣滓，會影響醫生對狗隻的檢查。

31號不要喝水吃東西,因麻醉會令她嘔吐