我的至愛狗狗過咗身!!!!!!!

當我睇完你既內容之後, 個心都好唔舒服, 因為我隻貓貓都係今年既2月13日離開左我, 佢同你既狗狗一樣, 都已經陪伴左我11年, 我都係因為佢既離去而成日唔開心! 所以你既心情我都好明白....佢地既離開, 我地個心真係好疼好疼！

不過, 其實唔知你有無聽過彩虹橋呢個地方, 其實, 當佢地離開左我地之後, 佢就會去到呢個地方繼續開開心心咁心活, 係呢度, 佢地仲會無晒生前既病痛tim。 不過, 若果你太過留戀(思念)佢, 而令到佢有所牽掛, 佢就會去唔到彩虹橋, 而好可能濟留左係另一個空間(或者會係你屋企), 直到有一日佢既能量用完之後, 就會消失....我諗大家都想有d咁既事發生。

唔知你有無聽過animal communication呢? (即係何婉盈學果d呀, 又即係可以同在生或過左身既寵物溝通)你可以試下搵佢地幫你解開你個心結, 又或者好似我咁, 親自報名去學(我下個月中會去上堂), 咁到時你就可以知道你隻狗狗既近況, 而又唔會咁傷心嫁喇！

至於, 骨灰既問題, 我覺得就算放係屋企, 都唔係真係好大問題, 我明白每次見到都會疼哭, 但若然要我將我心愛既寶寶放係一個唔知咩既地方, 對住d唔知咩人, 又會唔知有d咩事發生既, 我會更加唔安樂, 所以, 我覺得你更加應該諗清楚先, 以免日後會後悔。

希望以下兩條link會幫到你, 佢係亞君, 係已完成左animal communication 個course嫁喇, 你可以叫佢幫你搵一搵你隻狗狗, 問下佢既狀況︰http://hk.myblog.yahoo.com/joyful_pet/article?mid=705

而另一個係教呢個course 既center, 如果你有興趣讀既話, 你可以去睇下, 希望可以幫到你啦！
http://rosina.wordpress.com/

希望你既傷痛早日痊癒！

Gigi

上綱可以找到一些寵物葬禮的地方安放牠的骨灰. 或可以香港愛護動物協查詢.

試試這裡啦