接觸MRSA病人,只用(醫生手套)足夠保護嗎?

首先, 無論做d咩, 第一都係要帶口罩!!!

其實如果覺得你埋個MRSA patient身,
只係同佢轉身呀, sit out呀, 之類, 唔會接觸到佢d 分泌物的事,
只係一對surgical gloves 已經足夠,
我地日日係醫院都係咁做
(當然, 除手套之後係一定要洗手的!!)

不過, 如果你expect 一陣你埋patient身, 而佢d分泌物將會有可能會splash 到周圍都係,
有可能污染到你件衫, 咁除左帶手套, 你仲要著PPE啦~
因為你件衫仲要著住來佢周圍行, 返工做野ga嘛~
唔通下下走去換衫咩~
如果件衫沾左MRSA菌, 你又周圍走, 咪spread開哂, 其他人抵抗力弱咪領哂野囉!!
有PPE + surgical gloves, 攪完可以即刻掉左佢, 洗淨對手就ok, 又可以繼續忙其他野

至於如果係同個MRSA 病人做一些procedure,
你覺得有可能會令到佢d分泌物splash 到周圍都係,
唔止整污糟你件衫, 仲可以會飛入你眼睛, 咁就要帶眼罩啦~
如果會整污糟你個頭, 咁就帶cap(浴帽)啦~
總之你覺得會整污糟你邊度, 就帶返相應的保護裝備
手就帶醫生手套, 身就著保護衣, 眼就帶眼罩, 頭就帶cap,
成個生化怪人咁就包無死!

不過, 小小事就唔好咁大陣仗,
不但嚇死個病人, 仲嚇死其人唔知頭唔知路的路人甲乙丙,
以為個MRSA病人有咩超級傳染病! 歧視佢!

至於第二個問題,
如不慎接觸到患者的分泌物,應怎樣處理?

皮膚係人體的第一層抗菌保護, 平時每日都接觸咁多菌,
你好人好姐, 皮膚沒有缺損, 況且, 你有正常的免疫系統,
如果係(touchwood!!!)皮膚接觸到到,
少少MRSA菌, 唔係"強水", 唔會咁易俾佢野到!
唔洗咁驚!


不過都係要即刻洗手洗手洗手, 沖水沖水沖水,
接觸到邊度就洗邊度,

如果, 又大吉利是, 接觸到你的眼睛 / 傷口 / 血....
咁就唔該即刻即刻即刻洗手洗手洗手, 沖水沖水沖水,
密切留意自己有無眼睛發炎, 傷口發炎, 尿道發炎, 咳...的症狀!
如有就即刻睇醫生, 講埋佢知, 佢會同你留痰留尿抽血來種菌,
順便驗埋你隻菌對邊隻抗生素有效, (culture for C/ST),
如果真係中左, 就會開D 強力小小的抗生素


總括而言, 一般MRSA病人出院後幾個月,帶菌狀況會逐漸消失,
即係之前在醫院明明驗到有MRSA sputum / urine,
但係俾佢出院, 幾個月之後再驗又會無事,
所以只要你地身體健康, 抵抗力正常,
MRSA傳染給健康人士的機會非常低,
所以不用擔心會被剛出院的家人傳染!!!