係咪有左?

驗孕棒可測得尿液中之HCG(human chorionic gonadotropin)成份(hcg>=25mlU/ml)，hcg它是一種來自胎盤所產生賀爾蒙，它通常出現卵子受精後第8-9天，或著床後第4天。一般來說，驗孕棒測得尿液中之HCG是早期發現懷孕的重要指標。

遲三日唔係好多啫，唔使咁緊張，至於白帶多未必同有bb有關，陰道感染細菌亦會引致分泌增多。有bb定無bb我就唔敢講，但第一，驗孕棒係99%準，咁即係仲有1%啦！第二，上面係驗孕棒嘅使用原理，懷孕早期尿液中嘅HCG太少，有機會驗唔出！

懷孕早期唔會咁快出現成日想去廁所嘅徵兆，大肚媽咪成日想去廁所係因為BB逐漸成長，子宮會隨住BB成長越嚟越大，壓住喺附近嘅膀胱，令膀胱嘅容量減少，先至會令媽咪去多咗廁所。就算你朋友而家真係有BB都未必會有呢個徵兆。

至於你話夜瞓而影響，都有可能嘅，有時傷風感冒都影響咖！

始終都係遲咗3日啫，留意吓胸部有無脹痛嘅感覺，雖然有D人嚟經之前都會有，但會感覺到係唔同D，比正常痛D脹D咖！

過多兩個星期驗就多數都準咖喇！

既然咁驚，你提提佢下次要避喇！為咗對方嘅快感而攞自己『教飛』唔值得呀，姊妹們！