打機一問，急急急！！！！！

1.玩電腦遊戲
今日唔講煲電影住,講下打機先.家下仲有一蚊鋪街機,d機雖然唔係新機,亦唔算太舊,真係底打!
今日食完晏,同一眾同事走口左去熊貓酒店地庫間機鋪打機.雖然之前都去過一次,不過唔知點解今日好似特別好玩咁.又打賽車,又射下熗咁,見到d舊機又好似見返d老朋友咁,好想入一蚊去同佢地講聲"蝦佬".不過要返工,都係望o左兩眼就走人.真係好耐冇去打街機啦,家下又冇後生果時咁多時間去煲機,d新機又難打口左,又貴o左........係好多因素之下令我少o左去打機.不過揾到呢個一蚊場令我重燃出街打機既熱情.

記得十幾歲果時打機打到飯又冇錢食,車又冇錢坐,練得一身好武功.street fighter八人版果時用邊個人物都話打爆機就打爆機,仲用蘇聯佬屈死無數既阿龍阿健.打待魂2用柳生十兵衛未嘗一敗既記錄,仲有唔打都要睇既麻雀機...........家下我連出個旋轉倒頭椿都有困難..........又睇下家下旺角機鋪仲有機多間.以前去開既家下都冇曬.........零機,順嫦,等等等等,佢地都陪o左我好多個失落既晚上.不過時代變o左囉,家下d細路已經冇咩人去機鋪囉.個個去曬打online,機鋪d新game又越出越少."機鋪"呢一個名字代表o左我一大部份既青春,隨着機鋪既沒落,我既青春亦都跟住佢game over囉.