我可以做咩工

其實好多剛畢業的人都唔知搵咩工好, (自己都係), 咁其實可以試吓搵一份工做住先, 然後可以知道自己對邊個行業比較有衝勁啲, 再向嗰方面進修, 例如, 如果你想有挑戰性啲, 可以試吓搵議員辦事處呀, 律師樓呀咁, (初頭會悶), 或者搵啲製作公司, 電影公司或者唱片公司等等, 做到咁上下, (起碼都浸一年半載), 通常都會知道自己想做到啲乜, 想坐定定還是想自由啲咁....但就算搵唔到以上講嗰啲工都唔緊要的, 是但一份寫字樓工都要做, 一路做一路留意, 有咩可以學的, 我自己以前只係文員仔, 後來用放工本來去玩的時間去學化妝, (我都係試吓, 唔知啱唔啱自己的), 年半度啦....我就轉咗行, 但轉行之後都一直不斷進修, (包括考國際牌), 幾年時間, 而家成為一個導師.....有時返以前公司見到啲舊同事, 佢地都仍然係坐嗰個位, 做嗰啲嘢....我唔係話自己好叻, 我會考成績都好差的, 只係如果你想要咁嘅工作, 只要肯為自己的將來付出, 就可以達到.....

2007-03-14 12:49:41 補充：
唔一定學化妝的, 我只係分享自己的經驗, 只要搵啱自己方向, 令自己有衝勁就得架啦....有時都急唔嚟的, 耐心一點便可以啦....希望幫到你啦...!

Hi, 我叫Masaki. 我覺得以下 mrschin 嘅提議都幾好丫, 做化妝可以次次都吾同, 亦可以識到好多人. 不過開頭真係要俾一筆錢去讀.. 例如正式證書(約10000-20000), 我自己都有朋友part time 讀緊.. 吾錯丫.

首先我想知道, 你會吾會繼續讀F.6/7 or U o家? 因為有d吾同.

我自己本身做緊 製衣 行業, 一般跟單叫 Merchandiser, 我覺得工作多元化, 有挑戰性同新鮮感.. 我好鍾意呢一行.. 人工都ok丫..

我一向對服裝好有興趣, 我中五畢業o個陣, 特登去左"製衣業訓練局" 讀有關文憑課程(2年), 之後經學校介紹去左一間大公司做, 同時我part time 讀 Polly U 嘅 Higher Diploma, 而家已經讀完喇.. 遲d我打算讀埋 Degree.. 因為多張cert, 人工始終高d, 昇職都易d.

我呢5年做嘅都係大牌子, 如 CK/ A&F/ Diesel/ ......, 可以接足吾同嘅 外國人/ 香港人/大陸人/ 其他國家...... 做到靚牌子之餘, 有時又可以攞辦... 好開心..

雖然有時真係幾辛苦, ot 得好夜.. 不過份份工都有好有壞o家啦!!

我起薪點係7000, 做左五年都有17000.... 我覺得ok呀... 而且又吾係大學畢業...仲吾覺得悶...

如果你有興趣, 可以試吓... 有d公司中五畢業都請... 不過人工開頭一定低d..

tips: 大公司好過細公司 (即 60 人以上)

*** 上Recruit, 揾Merchandising行業, Garment Field (你可以揾嘅Title係 AM ((Assist Merchandiser)) )

希望對你有幫助啦!!

anyway, 無論諗成點, 都講過結果o黎聽吓丫 ;-p

Masaki

字裏行間可看出你本人思想還未成熟，對於你只有中五程度而言，如要高薪厚職簡直是忘想；致於職業高尚，就是個人感覺，有人都會覺得做SALES是高尚；如要有新鮮感，你不如去當演員，他們每齣戲都演不同角色，定有新鮮感，但現在好像沒有藝員訓練班招生；我看你還是讀多幾年書吧！

嘩 !要日日唔同 ,仲要高薪厚職 ? 職業高尚? 你唔好發夢啦 !
就算有 ,俾你都唔做啦 ! 肯定唔慌好 !
做人要腳踏實地 ,唔好諗咁多捷徑 .一步一步上總好過突然飛上枝頭啦 !
不過我覺得年輕人 ,趁後生就咩都做下 ~唔好等第時後悔 !

你大個女架喇 !要識諗 ~~~

人人際遇都不同，但中學畢業最常見的工作應該是售貨員，Sales, 或餐廳侍應等。
你可考慮畢業再進修一些文憑，如秘書，英語，會計等，應會對你有些幫助。