搬出黎住問題

通常先決定你地有幾多錢.. 每月租(假設包差餉同管理費)+水電煤...
同埋你再先第一個月簽約時要俾二個月租金as按金,同一個月上期.

知道自己的budget後, 再諗下住咩野區... 咁多錢的話邊區會搵到樓租.
通常搵邊區住好視乎你budget, 工作地點(交通), 環境 (旺定靜區, 雜唔雜..)

第一次租唔知程序, 通常都會搵地產代理幫..成功的話, 要俾3000或半個月租金作佣金(視乎邊個高d)
你開個條件俾代理.. 幾錢(通常講實最多俾多少, 仲講到一蚊都唔多得, 咁佢或會落地d同你個業主講價)...幾大, 要唔要傢俬etc.

佢有盤啱便call 你睇, 不用急睇多兩間, 因為一簽就一年死一年生, 所以睇定d.
check下周圍環境, 屋就牆有冇水積之類, ...
睇啱就同代理講, 好有誠意租... 價錢有冇得減或者有咩野係間屋係想業主租俾你前執下...
攪點要簽約等代理會幫你安排..租約會寫清租金多少, 包唔包管理差餉之類.. 睇清就簽得

唐樓平, 但冇管理, 有d區唐樓好雜..(你明啦..).如果淨係成日女友在家, 我勸你就唔好.
仲冇搬運公司,送貨等等都會extra收冇lift的樓錢..
唐樓一定要行梯.., 又舊, 你諗過先.

如果你不養小動物, 最好搵橦唔養得小動物的樓住.. 因為我本來住得好好..點知隔離屋養兩隻狗, 臭死又成日亂吠...

租一個地方, 真的要看清楚環境, 同買樓一樣, 最好業主是後生的(可能指不要老過五六十歲, 因為較容易說話, 有什麼問題, 可以說好, 然後扣返錢, 不用煩), 有些唐樓都會先裝修一下,才租給人, 那就會好一點, 要不然, 要留意水喉及電熱水的設備, 是否很新並很舊, 另外, 如果你未租的, 看樓的時間, 先留意門窗是否對住天井或後樓梯之類, 不是平日出入的主梯, 因為有些唐樓有前後樓梯的, 特別對天井,盡量唔好租, 因為夏天都怕有老鼠之類, 始終是舊樓嗎,如果是低層一點, 就更加, 一是閉了窗, 長時間不開都可以, 另外一點, 是你租之前上手是什麼原因搬走, 沒交租並或其他原因。看樓是靠直覺, 入到去舒不舒服, 會不會很悶熱, 空氣是否流通。

其他的地產便給給你處理, 一個月按金, 一個上期, 一個月租金, 另外水電的deposit, 約1000左右, 不是用來扣錢的,是到你唔租的時間, 回退回給你, 如果你怕動物的話, 說留意附近是否有動物, 一定有狗吠聲的, 有時一行過就吠, 有些吵耳的, 其他的就沒有太多要處理,

我之前搬了兩次都是住唐樓,因為夠平嗎, 只不過每日都要行四五層樓都好甘的。