釘契問題.....急急急???
2007-03-14 3:00 pm
本人已簽了臨時合約比了大訂,現搵了銀行造按揭,但銀行通知該單位已被釘契無法造按揭,但一個月前簽臨時合約比大訂上律師樓簽約時,已查冊幾次了,現我可以點呀.....?????
回答 (2)
2007-03-14 4:30 pm
✔ 最佳答案
好大可能個業主係賣層樓比你的時候已經有問題，可能佢已經欠銀行好多錢，又或者好多期無供樓，所以你的律師查冊時發現唔到，因為銀行做嘢都要個幾兩個月，你現在首先揾番你的律師同佢講呢件事，叫佢再查冊一次，當律師發現問題後，你再叫佢踢契攞番大訂(但係唔係即時攞到就好難講)，再查明對方係時間上有無欺騙成份，然後再追討對方賠償，賠償有好多種，例如律師幫你做咁多嘢的律師費，你可能現在無地方住要租屋，賠訂金問題，大訂嘅利息等等，如果業主真有欺騙成份你可以報警添，希望你可以即時攞番大訂啦﹗
2007-03-14 10:19 pm
釘契有好多原因的，可能係潜建，有可能係欠交管理費、維修費.....等，首先叫你代表律師儘快查清查份Charging Order究竟係咪，另一方面個業主咁大膽賣層樓，就算係欠款，可能賣樓樓價夠清還欠款呢，未必唔能夠成交的。
仲有，如果樓價不夠償還欠款，照常理對方代表律師會保存大訂款項至成交當日，應該不會交業主的，故業主只能攞到你細訂。如對方律師在未夠數情況下仍將錢交業主，那對方律師也有責任，你除左追業主陪償，亦可追對方的律師陪償。
當然，因你的情況網友並不明確，故只能建議你問代表律師提供事業之意見。
仲有，如果樓價不夠償還欠款，照常理對方代表律師會保存大訂款項至成交當日，應該不會交業主的，故業主只能攞到你細訂。如對方律師在未夠數情況下仍將錢交業主，那對方律師也有責任，你除左追業主陪償，亦可追對方的律師陪償。
當然，因你的情況網友並不明確，故只能建議你問代表律師提供事業之意見。
收錄日期: 2021-04-18 21:04:08
原文連結 [永久失效]:
https://hk.answers.yahoo.com/question/index?qid=20070314000051KK00490