地產睇樓紙的問題

其實agt真係會check到...所以唔好博...
尤其係同大行...因為agt只要証明到你地既關係...
佢地公司既法律部就會做野架啦~~~
不過...你個case...男女朋友既關係係法律上既灰色地帶...
不過我建議你睇清楚2張睇樓紙先...睇下有冇d咩錯處可以幫到你...
如果真係冇既...你最好係同先睇個單位果個agt傾啦...
因為到最後咁唔好彩你俾人告個陣你都仲可以講下話入到個單位先知睇過...
除非佢傾唔到價...不過記住唔好2個agt一齊傾...
因為個業主會以為有2個客...咁就唔肯減價架啦!!!

EAA一向都係suggest係睇樓紙有效期3個月...

樓主都識講你是代你父親去睇樓，就自然構成代理人的角色，所以嚴格來說，你是需要同時向a agent及b agent 給佣金的。不過你可以唔認做代你父親睇樓，實行賴皮，睇那兩個agent會唔會追你佣金！哈！因為如果買樓時，只是用你父親名字，在成交期間你一直都唔出名，那些agent又如何知道買樓的那人是你父親？雖知agent一日都有幾個或更多的人睇樓，一個月累積都有不少睇樓紀錄，難度他們真的好得閒成日都會查下買樓的人與睇樓名單上的人是否有親戚關係乎？你唔出聲那些agent又怎知？不過在法律上的合約精神上，你是有責任俾佣金兩者的，不過你肯唔肯俾又是另一回事。
如果你真的不想俾兩家佣金，咪等下囉！因為你簽的睇樓紙，合約約束力一般只訂半年期，即是你搵a agent睇過個樓盤，唔滿意唔買，半年後搵另一個b agent睇番同一個盤，那時合價決定買，就不用再給佣之前的a agent，因為睇樓樓目的是保障agent之間不會同時間互相搶客，但不等於保障一世，之前如果價錢唔合，或者個agent做得唔好，但簽了睇樓紙，想買同一單位都要同一agent做嗎？那有這樣的道理！所以如果你簽了睇樓紙，睇岩個盤又唔想俾個agent做，就可以唔買住，等睇樓紙限期滿後，就無約束力，就可以搵另一agent做，之前的agent都奈你唔何。
不過睇樓紙半年約束期，是小弟多年前買樓時一般做的期，現時限制期要多久，因無再睇樓就唔知，所以你最好睇番你簽的睇樓紙限期有多久。其實現時樓市不似以前活躍，等半年都唔會俾人買左層樓的。小弟以前就試過，搵agent睇過個盤，因為同業主傾唔岩樓無買，亦覺得個agent唔老實，所以就唔搵佢。之後都幾個月後才再搵樓，再搵個另一間行，佢又係call返同一個盤俾我睇，不過業主肯讓步，攪了一輪才買，那時已過了半年期，都唔駛俾佣之前的agent了！