第一次租屋問題!!!!急急急

我都係做地產，如果你真係想租屋，＄１５００真係好難租，而且仲要包埋家俬，我諗你唔使諗，雖然話係元朗啫，但都唔會有咁平，我自己都住元朗，如果你真係揾到咁平都好難有埋傢俬，如果又真係咁好彩有埋傢俬，就一定係好辟，又或者間屋有問題，我建議你都唔好住。

現在元朗屋最平價錢都要大約＄２５００，仲要行三至五分鍾先到路口有車撘，但包唔包傢俬就睇你好唔好彩，如果你的價錢係得＄１５００咁多，我建議你去上水古洞或新田嘅村屋可能有機會，而租屋要預多少計算方法如下：

一個月上期
一個月按金
一個月租金
一個月地產(但金額通常可以傾，而且有機會直接同業主傾便可省略這一項收費)
而厘印可做可不做，就算做都係幾十元。

元朗區我唔熟,,不過你可以睇下街招,報紙或者直接搵地產舖...
一個月首期,兩個月按金...再加50%佣金,,,應該係..$5250..再加厘印..幾廿蚊左右..
有一部份單位有包括傢具....如果係搵agent ...可以叫佢搵.....如果自己直接聯絡業主,,亦可以同佢傾...

如果租間$1500屋...
1個月按金
1個月上期
1個月佣金
大約$4500