有冇理工大學設計系高級文憑的有關資料??~

入理大高級文憑方法有兩個.
第一個方法就係讀中七既時候報JUPAS, 用會考及高考成績, 再加上面試表現報讀大學. 基本要求係高考一科AL合格, 再加會考6科合格(包括中英文). 設計高級文憑課程有兩個, 一個係產品創新科技高級文憑, 上年平均收高考5.1分. 另一個係多媒體設計與科技高級文憑, 上年平均收高考4.8分. 學生亦要通過面試一關.
計分方法如下(每科分數):
AL: A=5, B=4, C=3...F=U=ABS=0
AS: AL*0.6 (incl. CL&C & UE)
理大係你讀幾多就計幾多科.
另一個方法就要求你持有有關文憑(如: 理大/HKIVE設計文憑/高級證書(或等同學歷)). 由於你無寫有無設計文憑在手, 所以我只好當你無. 因為呢個方法要求你有文憑/高級證書既學歷, 所以你無呢個學歷既就要經第一個方法入去, 所以好好努力考好AL吧!
兩個課程各為期兩年, 如果入政府資助學位既, 每年$31,575(不包雜費). 兩個計劃唔會睇你中六成績, 而且會考Art囉A唔會話有咩著數. PolyU唔會好睇會考成績.