不會生子女....的想法

香港人之所以有不想生育的想法, 有三個原因:

1.因為香港的經濟, 人口, 知識, 已發展到人口結構的第三期, 與西方先進社會, 有很多方面都非常接近[但回歸後卻大幅倒進, 這也是正常, 因為要跟中國接軌], 出生率是非常低的.

2.養育一名兒女的成本太高, 這與西方社會一樣, 是正常; 但香港由於高地價政策, 以致生活指數極高, 必入全球首五名, 經常跟東京爭[一哥]地位, 生活壓力奇重, 政府又沒有舒緩政策[只係得個講字], 而西方社會則沒有這個問題, 加上政府的相關措施, 所以出生率較香港高, 人口老化問題沒那麼嚴重.

3.人口質素趨向兩極化, 主要因為中, 港兩地通婚所生的下一代問題, 加上國內新來港人士, 使不少低技術職位的工資下降, 但在生活指數高企下, 形成了跨代貧窮, 加上香港本身只是一個彈丸之地, 受先天不足的條件影響, 經濟進一步發展的空間不大, 港人自然擔心兒女的前途, 大學畢業生已不值錢[當年我畢業之時, 可以叫價2萬, 但如今....唉!], 加上年齡歧視, 又欠缺社會保障制度, 生小孩可能只會令他們痛苦.

回想起來, 開始後悔當年不移民......

我而家22歲,但我幾年前已經決定將來唔會生,一黎自私D想有多D私人空間,要養大一個細路實在要花太多時間,心機,金錢喇,而且生仔o既痛仲係十級tim

另一方面,我反而唔係因為自己苦多過樂,而係我覺得自己o既媽媽實在係太好喇,我覺得如果要做媽媽一定要做到好似佢咁,但我又肯定自己做唔倒咁,所以我覺得佢都幾偉大,而我自己亦唔可以保証俾倒好日子俾下一代,咁無謂生la~有時就算你經濟許可,你又俾足心機,但而家離婚率咁高,我地都唔可以保証俾倒一個健全o既家俾佢,生左咪只會令到佢唔開心,何況香港仍然有唔少孤兒,我覺得如果想有仔女,領養都得la

有人想生仔, 愈多愈好, 有人一個都唔想生, 生粒瘡都好過生仔
我覺得係因為每個人既價值覲, 經歷不同, 所以對呢件事既睇法不同
就好似講價值觀先啦
有d 人覺得一個家係要有仔女先係一個完整既家
其實我都有咁既想法....我唔係因為想佢o係我老既時候養我
我覺得佢做到既一個bonus....而家呢個年代, 可以養到夠爸阿媽就養唔到自己供唔到樓
所以好難既
但係點解我仲想生呢...? 要用咁多錢養一個兒子, 係唔係值得呢
我覺得一定值得~!
因為我覺得我出世唔係得我一個人, 我生存其實影響其他人
甚至我主動去影響...
我覺得有一個人, 即係我既仔女, 可以由出世, 到佢成人, 我都一直去照顧佢...
而佢又比我關懷, 係一種幸福
我相信大部分家長, 口講生左個仔令自己辛苦左, 但係比佢再選擇, 佢都會生
因為仔女係比到一種難以形容既幸福比自己
你可以唔去玩, 唔去旅遊, 但係一定要比最好既比d 仔女
就係因為你重視佢....

另外, 有d 人覺得家係比錢重要
唔同人有唔同標準
有人覺得事業重要, 有人覺得宗教重要
但係有人覺得家係重要
有仔女, 有老婆, 先係完全, 係好重要既
可能你覺得錢真係好重要, 講來講去, 養個仔都係錢...
咁你就覺得唔想有個仔....就係因為香港人對錢呢樣野睇得好重要
所以愈來愈少人生仔....
講真, 你怕佢養唔大, 都唔會啦, 天生天養, 一年香港有幾多個bb 突然死去
無人照顧呢個問題, 你可以叫老婆唔做野, 去照顧
你唔想佢咁做, 又係因為少左份糧, 又係錢既問題
如果你肯住公屋, 唔好咁浪費, 點都夠既...睇下你對咩野覺得重要d 姐

如果誚到有d 人既經歷影響佢地既睇法
我諗要講到佢地可能係破碎家庭, 佢地就唔想生仔
因為個d 仔女會受苦, 原因自己身為子女受好多苦
另外有d人係好早有爸爸/媽媽不幸離世
佢地就想生仔, 因為想有一個完整既家
填補小時候無左既野~

而我呢...我都係想生仔...
想有一個美好又完整既家庭

雖然我今年只得16歲,但係我都諗住日後唔會生仔女o架喇!生仔女要照顧佢哋o既責任係好重大o架!我又係一個無耐性同鐘意玩o既人,我驚生咗出o黎自己唔願照顧佢!仲有o既就係經濟o既負擔,依家真係好驚,唔知將來o既經濟係點,驚比唔到最好o既生活比佢哋!仲有依家o既教育制度,一時一樣,真係令人無所適從!
我覺得好似我咁,一啲鐘意自由,鐘意玩o既人並唔適合生仔,我怕如果同另一半感情唔好要分開時會影響小朋友!