有冇les/gay既人而又係有信仰?

我係tb,我都係有宗教信仰架!同你一樣都係基督教
我好清楚係基督教角度黎講,同性戀係好重罪架!!
因為有個教友同我講過同性戀既野
其實聖經寫明唔容許既野點止同性戀丫
就我地講大話,貪心,妒忌等都係神唔喜悅架啦
所以點解係同性戀就唔可以係人面前認係基督徒
認係基督徒就一定要冇犯罪或冇再做神唔喜悅既事?
其實你外表男性化,人地一望覺得你係tb,你可以唔認
佢地一見你係男性化,就即刻肯定你係tb,冇問過你?(雖然你真係一個tb)
我果時都好男性化架,成個男仔咁
但冇人認為我係tb,佢地都認為我只係似個男仔
我曾經有個教友問我係咪les,我唔認咋
但有人問我係咪基督徒,我都照認係囉,唔好理人眼光

2007-03-13 22:55:04 補充：
知你係tb都照認可也,邊個話tb信仰唔可以係基督教同性戀係罪,人總會犯罪,如果係咁人人都唔可以認係基督徒了我係tb又係基督徒,真係...我有我自由,理x你感受- -唔俾牙..haha =]

我都係一個tb, 依家有個女朋友, 同女朋友都係基督徒. 其實...信左主好耐, 應該係由細到大都係信主, 一向都係好男仔頭, 到左中學就開始同女仔一齊. UM... 係中五個陣都有試過爭扎, 嘗試用宗教信仰去改變自己, 都有試過因為信仰的問題令女朋友唔開心或者避忌, 但係...依家好d啦!!! 睇過有關同性戀的教會, 佢地的宗旨都係話同性戀唔係一定係錯, "愛"係聖經的一大條件, 如果我地的愛係真愛, 又唔損害其他人, 咁又有咩問題呢? 我雖然都有同教會疏離左, 但係如果問我係咪基督徒我一樣會答係. 做一個基督徒唔係一件羞恥的事, 神係會接納所以的人, 只要你信佢就得啦. 我都明白唔係個個基督徒都會接納gay/lesbian, 但係唔好氣餒, 我有同學係基督徒但係都一樣好支持我, 信任我. 同性戀唔係一件羞恥的事, 同性戀都可以係基督徒!!!

我由小好信基督教,
我知自己係LES係唔口岩.
但係真係好矛盾好辛苦.
同PARTNER出事又唔可以同好朋友分享(我指教會入面既)
但我信神安排得我係咁一定有佢既原因.

信奉而且遵從基督的說話同教條，可視為基督徒。其實，我唔認為性取向應該左右一個人成為基督徒－－既然神創造我地的時候要我地性取向與聖經所要求的「背道而馳」，我地本身就無法改變呢個事實，咁點解唔俾我地機會信奉祂，反而仲要拒我地於基督的門外？再者，神創造我地時既然就係咁，或者呢個就係神的意旨，我地倒不如做好自己。