✔ 最佳答案
可以話兩個師父的做法都是一樣, 只是他們的表達能力問題. 但後者說法比較清晰, 可被免日後出現誤解的情況.
一般做法分為2類 :
1. 撕走咗牆紙後, 剷底, 油光油, 批灰, 再油面油.
2. 撕走咗牆紙後, 油光油, 批灰, 再油面油.
工序如下 :
1. 先撕走咗牆紙
2. 油光油
3. 批灰
4. 打磨平滑及淸理乾淨
5. 油上面油便可
菜膠+福粉比例如下 :
菜膠35%, 福粉55%, 石膏粉5%, 光油或白膠漿5%.
程序 :
1. 先將菜膠加入光油或白膠漿攪合
2. 加入8成福粉攪合
3. 再加入2成福粉及石膏粉攪好後才加進一起攪合
注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.
如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!
2007-03-14 11:34:06 補充：
咁就清楚你的師父所講的話啦, 當然是第2個的說法正確.因為當你撕走咗牆紙後, 會有膠水漬留在牆壁上, 最少一定要全部批灰, 否則就會有膠水漬問題. 如你未決定用邊個師父的話, 就千萬唔好用第1個師父, 即執下灰這位. 第2個師父的話很正確.即全部批灰這位.注意你的牆壁灰底是否堅硬, 有否起泡等問題, 是否須要剷底, 可找師父到場檢查及報價等.真的希望可以幫到你!
