20點!~ 澳洲升學問題

我可以講講我和我朋友們的經驗比你知.

要準備d咩野?
1) 字典 (電子/ 中英)
電子方便查字, 而中英就有時可以攞入去考試. 但我諗大學時的考試先比用中英字典的. fundation或英文班只比用英英.
如果你想買本中英字典, 記住買本深少少, 厚少少的.
而本英英字典就等到去到澳洲先買啦, 因為你學校或者會指定要用邊本的.

2) Notebook
係澳洲買電腦幾貴. 可以的話自己帶過去啦! 再唔係, 帶個case都好.

3) 插座轉換器
因為澳洲的插座係 "/ \" 字形的, 如果你會帶任何電子用品過去, 最好買4-5個插座轉換器. 香港買比澳洲買便宜好多!!!

4) 一件厚外套
我唔知你去澳洲邊到, 但melbourne冬天天氣好凍的. 你最好有件厚外套. 我自己就有件 "2合1". 即外面件可以擋風/雨, 裏面件就保溫暖. "2合1"好好的, 因為又可以分開兩件著. highly recommended!

5) 手提電話
如果你自己已經有手提電話, 你可以帶去. 去到澳洲再上台, 如果你去melbourne, Optus係最多人用的. 另外澳洲都有簽計劃送電話的plan, 但通常要簽兩年的.

去到澳洲又要準備咩野?
基本上因為你住homestay, 佢地會提供食宿比你. 你都唔駛擔心咁多. 但要小心homestay會樣樣野都同你計錢. 好似飲野, 用野, 佢地或者都會計得好清楚. 牙膏, 洗頭水之類, 你問下佢地會唔會提供. Otherwise, 你去到澳洲時再買都ok.
另外, 你要記住澳洲人通常都較早瞓的. 你要小心夜晚時唔好太嘈!
上網的問題都要問清楚. Broadband係澳洲都未算好普及, 好多人都仲係用緊 56k dial up. 所以如果你homestay係用dial up, 你要小心唔好用咁耐呀.
如果你發現你個homestay好難相處, 你都可以同你學校傾傾. 等佢地再安排另一個homestay比你.
雖然我對homestay評價一般, 但我都希望你個homestay對你好啦!

英文班?
英文班對香港的學生來說, 一般都係較容易的. 佢地教的內容有時真係易到好似教緊小學咁. 你上英文班期間, 就當係去澳洲的適應期啦. 適應一下第一次離開屋企, 適應一下日日都要用英文溝通, 適應一下自己要洗自己的衣服同打掃. 另外英文班好貴的, 既然你已經比咗錢, 就比d心機好好上堂啦! 如果你那班的英文程度真係好低, 同學校講, 試下可唔可以轉一班深少少的啦!

有問題就再send email問我啦!

you can learn more English and see the 澳洲 map

I don't know

最好在hong kong一早學好英文