NDSL 定 PSP 好D?

睇下你喜歡玩咩
好多人話男仔喜歡玩psp的game，女仔較喜歡玩nds game~~
兩部都可以聽歌睇戲~~

PSP d game多數似PS2果d.三國無雙,winning9 等等
1) D1 Professional Drift Grand Prix Series (日)
2) Viewtiful Joe 2 (美)
3) 吉野家 (日)
4) Grand Turismo 4 (美)
5) Tokyo Xtreme Racer Zero (美)
6) Capcom VS. SNK 2 (美)
7) Resident Evil 4 (美)
Tokyo Bus 2 (日)
9) Winning Eleven 7 (美)
10) Grand Theft Auto 3 (美)
11) Tony Hawk's Proskater 4 (美)
12) 捉馬嬲

而NDS 主要係d有趣d,得意d ge game...
都幾好玩架

1. PSP可以話係一部流動影院，NDSL就冇呢個功能喇。兩者遊戲都多，不過是遊戲風格不同，PSP著重畫面華麗，NDSL則著重遊戲性。其實兩者都有出一D女性岩玩既遊戲：PSP有太鼓、牧場物語等等；NDSL就有寵物小精靈、養狗仔等等。其實我覺得唔需要標籤左男仔就玩psp女仔就玩nds, 我覺得最緊要部機岩唔岩自己玩, 岩玩既理得佢係邊部機姐, 你話係唔係?我俾部psp女朋友玩樂克樂克同牧場物語, 佢不知玩得幾開心=]
2.
首先，希望大家可以放開懷抱對待兩部機，記住，你唔係幫老任、SONY打工，無必要對佢地死忠亦無必要敵視任何一方，作為玩家只需了解邊部機俾到自己快樂已經足夠。


【主機美觀度】PSP：10分／NDS：5分
PSP外形時尚美觀，加上第一眼就望到佢個大芒，任何人見到都一定心動；相比之下NDS外形似足一部字典機，雖然唔算好核突，但PSP予人既第一印象實在優勝太多。


【畫面華麗度】PSP：10分／NDS：6分
PSP個芒又大又16:9，NDS完全無得比。其實NDS雙螢幕有咁既大細已經唔差，但缺點係可視角度非常低，坐你隔離果個根本睇唔到你玩乜，另外響陽光底下玩NDS，基本上係完全睇唔到畫面(反光太嚴重)。不過，PSP既死／光點問題又比NDS嚴重極多，基本上要買到一部完全無死／光點既PSP，真係要非常好手氣，另外根據大多數用家經驗，PSP既死／光點會「自然、普遍地」於短時間內極速浦頭，個Q.C.真係差到......如果非常介意死／光點，可自行扣除2分。


【聲音】PSP：7分／NDS：6分
其實平時玩遊戲的話，兩部機既聲音質素都係合格有餘，最低限度叫做有立體聲，但一般而言PSP遊戲會比較「靚聲」和「大聲」。不過你打算用PSP聽MP3的話，最好考慮清楚，同樣聽MP3，同樣用喇叭出聲，筆者部NOKIA 6230i(手提電話)都比PSP靚聲。當然比起NDS總算係聊勝於無。如果追求靚聲的話，都係戴耳筒先玩啦！兩部機個喇叭都唔係咩好貨色。


【操控】PSP：3分／NDS：9分
你無睇錯，我無講錯，PSP既操控手感只可以用「垃圾」唻形容！除左部機本身無NDS咁好「渣」之外，佢個死人十字掣真係夠晒「十字」，基本上只可以順利感應到↑↓←→四個方向，一用到「斜位」就感應不良，由此衍生一個極大問題....... 如果你玩賽 車、麻將、RPG之類唔需要按「斜位」既遊戲，個操控係OK，但一玩動作、格鬥、射擊、足球等遊戲時，真係玩到無名火起！你可以想像玩高達時無法打斜走、玩格鬥時「CHOK」唔到招、玩射擊時無得打斜飛、玩Winning時無得走斜線既凄絕慘況嗎？無錯PSP另備Analog掣一粒，但果粒野既手感都唔好得去邊(位置太低)，仲要唔好忘記唔係隻隻game都支援Analog。NDS響呢方面就優勝太多，佢個十字掣其實都唔算太好按(比起GBA、GBASP而言係差左)，LR兩粒掣特別唔就手，不過點都唔會衰到「操控困難」先，基本上玩乜遊戲都無大問題，另外要盛讚佢個Touch Screen，佢可以發揮比滑鼠更加便利／直感既操控性，配合十字掣及咪高峰，可衍生出無限個具創意既遊戲。


【便攜及保養性】PSP：5分／NDS：7分
其實兩部機既體積都屬於「偏大」，筆者認為史上最佳大細既手提機仍然係GBASP，入落衫／褲袋就行得，呢兩部野拎出街時要突登搵野袋住都幾煩！不過NDS既便攜及保養性一定比PSP好，因為佢係「摺機」，基本上摺埋佢就可以放入袋，個機殼唔算太易花，但係PSP就一定要另備機套／機袋，否則行街「鄧」兩「鄧」之後個芒一定花到阿媽都唔認得，肉赤死。


【讀取時間】PSP：3-6分(視乎遊戲)／NDS：10分
大家拎得部機出街玩，多數都係為左搭車時「攝時間」吧？不過香港地咁細，你搭車搭得幾耐？通常15-30分鐘就落車／轉車，點樣響咁短時間入面盡情享受遊戲樂趣，係筆者非常重視既一點，呢方面NDS可以話係完美，由於佢係用「卡帶」作儲存媒介，一般遊戲時根本無所謂Loading Time，只係間中有遊戲阻你兩、三秒儲存遊戲進度，玩家可以將99.9%既時間放響玩遊戲方面。相比之下，PSP就顯得非常慘烈，由於佢係用一種叫「UMD」既光碟作儲存媒介，基本上遊玩中途要不斷Load Load Load LoadLoad...好多時真係LOAD多過玩！情況比家用的PlayStation更為嚴重。如果你經常坐短途車，絕對唔建議玩PSP，因為你LOAD到入標題畫面可能已經落車了！但當然每隻遊戲所須既Loading時間都有分別，不過客觀唻睇普遍都係唔理想，入game時LOAD十幾秒係平常事，每關之間再LOAD你十幾秒都係好正常，仲未計遊戲儲存進度時又額外俾多十幾秒你嘆...... 奉勸大家購買任何遊戲之前，最好先問人隻GAME既LOADING問題嚴唔嚴重，陣間買左好似WINNING咁既LOAD碟王，夠膽死LOAD你三、四十秒先開到波既真係喊都無謂。當然PSP係有「邪道」方法大幅減低讀碟時間，但呢點就唔納入討論範圍了。


【遊戲外功能】PSP：6分／NDS：3分
PSP除左用唻玩遊戲之外，仲可以睇相、睇戲、聽MP3，筆者覺得當PSP係相簿咁用係非常唔錯既選擇，因為佢個芒顯示能力真係好好(唔計死／光點的話)，而且夠晒大，用唻當相簿做DISPLAY，同睇3R相無乜分別，抵讚！但係用唻睇戲、聽MP3就有些少搵笨既感覺，先講睇戲，我諗香港地根本無幾多人會買價錢昂貴(比DVD更貴)、無中文字幕既UMD影碟吧？大部份人只會將影片存放響記憶卡上播放，遺憾既係PSP只支援MP4格式既影片，解像度仲要有限制，換言之9成9既影片響載入PSP之前，都要先用個人電腦花大量時間「轉格式」，就算你部電腦幾快都好，一般「轉格式」所需既時間都比段影片本身更長，攪一大輪先拎得出街睇，點解唔響屋企睇左佢算？至於聽MP3，上文已經提過佢既喇叭音質連手提電話都比唔上，另插耳筒音質係會好好多，但如果一心當PSP係MP3機用會唔會傻左少少？你打算將部PSP掛頸嗎？至於NDS就完全唔支援多媒體功能(其實可另購PLAYYAN增加多媒體功能，但價錢太貴絕不化算)，只係內置一個無聊既「繪圖CHATROOM」以及鬧鐘功能(呢個就幾實用)。


【遊戲創意】PSP：1分／NDS：9分
由於PSP係完全沿用十字掣、LR掣、Analog掣作為操控媒介，因此理論上PSP係絕對玩唔到「家用機都無得玩」既新類型遊戲，另因為開發「華麗遊戲」既成本太高及「邪道猖獗」等影響，願意投資為PSP開發原創作品既廠商可謂萬中無一，睇一睇PSP個GAMELIST，好多根本係PS1舊作或PS2 DownGrade移植作，毫無新意可言！相反NDS設有雙螢幕、咪高峰及Touch Screen，雖然呢一切都唔係乜野劃時代新科技(液晶體時代已有雙螢幕遊戲機、紅白機已經有咪高峰、PDA都一早用緊Touch Screen)，但呢三樣野融合後發揮既化學作用實在太大啦！只要遊戲廠商夠創意，佢就可以開發出無數個「家用機都無得玩」既遊戲，尤其NDS遊戲唔用聲光效果作賣點，開發新遊戲所投入既資金遠比PSP低，風險細，廠商亦更放心開發新類型／系列遊戲，現時NDS好多遊戲都俾到「老機迷」新鮮感，甚至好多無打機習慣既人(尤其女性)，都俾NDS既嶄新玩法所吸引，淨講「創意」同「遊戲獨佔性」，NDS和PSP根本不可同日而語。


【前境】
NDS現時全球銷量約為PSP三倍，而且走勢有逐漸「放甩」跡象，尤其老任手頭仲有一大堆「殺手級」遊戲未出(如：比卡超、撒爾達等)，相反PSP則接近「江郎才盡」，不斷靠「炒冷飯」吊命，響日本基本上大局已定。不過，PSP響歐洲既銷售勢頭似乎蓋過NDS，長此下去個發展可能係......NDS專玩原創／新派既日本遊戲，而PSP則專玩「炒冷飯」大作及歐美遊戲。

你係一個女仔
我ｔｈｉｎｋ　ｎｄｓ你感到好玩ｄ
因為ｐｓｐ果ｄ　ｇａｍｅ你不想ａｌｗａｙｓ　ｐｌａｙ

梗係ndsl好玩啦,如果你兩部都玩過晒,就一定會喜歡上ndsl遠多過psp,因為ndsl的用筆玩法遠比psp的傳統玩法好玩及新穎,更何況任天堂出品必屬佳品

2007-03-13 17:38:15 補充：
nds全球賣出超過三千五百萬部,而psp只賣出約一千八百萬部

PSP貴過NDSL,所以我都諗住買NDSL,NDSL可以玩GBA GAME,我好想快D買到,玩寵物小精靈(鑽石版)&牧場物語 君と育つ島

NDSL啦，
有小精靈，瑪利奧等簡單易玩的遊戲。
也有任天狗這類可愛而像真的寵物育成。
最重要的是NDSL有好多走可愛，簡單的遊戲來吸收女玩家。所有NDSL應該會好些。