✔ 最佳答案
你係銀行見到的高息(超過5%),都係外幣掛勾存款,各銀行有唔同叫法。
點解有咁高息?因為除外幣的息外(假設5%),你會另外收多一份期權金(有成15%以上),即係你收到的"息"會超過20%。
外幣掛勾存款係一項期權投資,有分1星期、2星期、1個月等,亦有分call同put,有行使價。
簡單來說,假設你想買英鎊、用call形式做1個星期,1星期後如果英鎊升了,你可以收到25%息(利息+期權金),但你唔會繼續持有英鎊,只會收返港紙。
但若英鎊係一星期後跌了,雖然你仍可以收到25%的利息+期權金,但你卻要強制係指定的行使價(通常都係比較高)買入英鎊,即係你會收到25%的息,同埋貴價買返來的英鎊。
以上例子已經係最簡單,希望你明白。put的做法就是相反。
好處︰高息(以年利率計),仲好過藍籌股。
壞處︰高風險,但冇炒股票咁高。
技巧︰因為輸了真係要買入隻外幣,所以睇你有冇需要。同埋要睇你點睇外滙行情。