七月法國自由行

或者等我詳細點解說一下, 其實上面的朋友已經講左個大概, 等我再補充一些具體資料

巴黎是一個令人又愛又恨的城市. 沒錯, 對遊客來說, 她真的很美. 但我絕不建議你逗留在巴黎超過 7 天. 否則你便會慢慢看到她醜陋的一面. 你先到達巴格達玩數天, 隔一會再回去是另一件事, 但千萬不要連續留低多個 7 天. 你會慢慢厭倦的. 如果你有 1 個月時間, 我會建議你先在巴黎玩 3 天, 主要是市內景點先, 然後到法國其他地方. 最後回巴黎再玩 3 天, 這次主打是外圍郊區景點. 會比較好一點
在巴黎, 國慶日最大的活動就是早上於香榭麗謝大道的閱兵式. 雖然只是約 1 小時, 但可看到法國雄糾糾的兵士於大道上步操. 閱兵式後部份士兵更會於大道上閒逛, 不少遊客均與他們合照, 而且通常來者不拒. 你們甚至可觸摸他帽子上的紅毛球,據說會帶來好運的. 另外很多博物館都會免費開放, 甚至部份電影院也會有優惠的. 但其他城市, 很多店舖都會休息的... 所以如時間許可, 國慶日留在巴黎會安全一點
如果是一個月的法國, 我會這樣走的, 括號內是日數. 巴黎 (3) -- 諾曼第地區 Normandie (2) -- Reims (2) -- 斯特拉斯堡 Strasbourg 及周邊小鎮 Colmar 及 Riquewihr, 甚至可步行過河到德國小鎮 Kehr (2) -- 第戎 Dijon 及 里昂 Lyon (2) -- Evian (2) -- 阿維尼翁 Avignon 及其周邊小鎮 (3) -- 馬賽 Marseilles (1) -- 科西嘉島 Ajaccio 及 Bastia (2) -- 尼斯 Nice 及周邊地區如康城 Cannes, 摩納哥 Monaco 等(2) -- 飛機直飛波爾多 Bordeaux 及周邊地區 (2) -- 羅亞爾河谷 Vallee Loire 地區 (3) -- 巴黎外圍地區, 如凡爾賽 Versailles, 聖米切爾山 Mont St. Michel, 迪士尼等等 (4) -- 回家... 以上行程是初稿, 還沒有計算火車的網路, 但應該沒太大問題的
一般於巴黎生活一天約需 600 - 650 港幣 (包括廉價住宿 + 飲食 + 入場費 + 市內交通). 其他城市會打個 8 折左右. 洗費約為 16000 - 18000 蚊左右. 加埋火車及飛機費用, 約需 25000 左右
建議不要買英文書了, 除非你是以英文為母語或英文程度好好. 不是睇少你, 而是旅行當然想輕鬆一點, 睇英文書傷神呀... 精英出版社的一本我看過, 資料可說是詳盡, 而且是日本旅遊書翻譯過來, 日本仔出旅遊書的詳細及準確係出晒名的. 佢叫你用 60 分鐘去一個地方, 你絕對唔需要用 120 分鐘的... 我自己曾用過這出版社的澳洲旅遊書, 十分好用. 雖然是貴了一點, 需要 218 蚊, 但也值得推介
可參考這裡 http://hk.knowledge.yahoo.com/question/?qid=7006072700300
如果你想去埋意大利, 係絕對可以的. 你可以預算約 10 天時間去意大利, 剩下的時間在法國. 當然上面的行程便需要刪減一些地方了. 自由行第一守則是 "切忌貪多". 不要將行程編到密麻麻, 否則你是去搭車, 唔係旅行了.
如果你的 budget 有 30000 - 40000, 夠晒啦. 放心
如有問題, 可 e-mail 給我, 大家討論一下

我求求其其答希望你唔好介意：

１）羅浮宮再加羅浮宮前公園漫步，至少可以預兩日；巴黎聖母院半日乜都夠；凡爾賽宮可以預多少少時間不過最多都係一日；巴黎鐵塔半日；Shopping女仔要兩日；迪士尼可入可唔入一日；大概五至七日已經相當足夠．

２）香榭麗舍大道應該會有慶祝活動．但係本人未試過法國國慶日去法國，所以其實唔係太清楚，sorry
圖片參考：http://hk.yimg.com/i/icon/16/10.gif

３）嘩．．．要睇你預算同想睇ｄ乜，會唔會順便過德國或者瑞士或者意大利或者英國．如果單講法國，鍾意田園氣息或者紅酒可以去波爾多；鍾意南歐港口風情可以落馬賽；但係最緊要都係要睇你有幾多錢可以花費．
４）預算．．．不如你話俾我知啦．．．預算同行程都自由發揮，可以有幾豪得幾豪．．．
５）旅遊書我就唔太清楚，反而覺得你可以睇多ｄ旅遊blog，ｄ資訊會update ｄ，同埋無咁行貨．
６）法國街童問題仍然相當嚴重，而且都好多吉卜賽同非裔移民不懷好意．一個女仔有一定程度既危險．如果你諗住自己揸車就更加要打醒十二分精神．．．同埋法國ｄ路牌真係好混亂，所以揸車其實無乜著數．我極之唔建議你一個女仔去；至少三個女仔會照應得比較好．有個壯男就最好啦．




2007-03-13 12:17:23 補充：
你最好叫你相熟agent quote個來回巴黎連酒店package既約價俾你；咁對於你預算會有ｄ幫助；但係七月始終仲係太耐既事所以個價純粹攞黎參考．Air France個價會好硬淨下；不妨考慮BA先去英國再搭火車落法國．夾下價先，跟住先可以睇剩番幾多錢可以調動．四萬玩一個月就應該好抆，除非住ｄ青年旅舍之類．

2007-03-13 12:18:46 補充：
去倫敦亦可考慮Oasis.

2007-03-13 13:05:26 補充：
下面資料大致正確，但一般於巴黎生活一天約需 600 - 650 港幣本人並不同意．除非你真係好節檢餐餐食麵包水都唔買支，又完全唔買紀念品同手信，住青年旅舍，否則600 - 650係無可能．．．可能係我大洗．．．但600 - 650．．．唔得哩．．．