一個有闔印刷既問題 - Ans.fyi 參考答案

一個有闔印刷既問題

2007-03-13 6:05 pm

我係一間貿易公司既職員; 佢地有好多產品; 其中一項係印刷品.
不過由於本人無乜印刷既經驗, 成日比間廠點, 跟住又比個客鬧, 你地可唔可以指點下丫:
情況: 個客比左一個file我地, 間廠已經同我地講: 喂; 乜個file無layer架, 印唔到架喎(佢係有pantone同4色拼). 不過個客既 designer放左假; 有排等; 咁樣, 唔知點解; 佢一路話'點印丫', 一路又整左辦出黎.
而家個客批辦, 話佢d色唔得, 要再出辦; 咁佢又話, 喂, 你個file 無 layer 架, 點改丫?
佢一定要我問個客攞 vector file, 要有 layer 既.
但係我問個客, 佢話你點搞架, 第一次辦就出到; 點解印第二次就要有layer, 第一次就唔使; 你搞乜. 又唔你要你改design, 比個vector file 你做乜?
間廠佢又一樣鬧我......
我無supervisor問, 你地有無人可以講比我聽, 到底佢地講乜?
同埋, 個file 有無layer 同係咪印 pantone 抑或拼四色; 到底有乜關係???\\
唔該...

回答 (1)

Irene

2007-03-13 6:41 pm

✔ 最佳答案

客人比個file你係4色+1個pantone, 咁即係要用5張菲林來進行分色.
5張菲林分別係, 黑色/紅色/藍色/黃色/ 指定之pantone色.

如果個file無layer, 咁就等同你見到一張相/海報咁, 表面見到什麼, 就直出菲林及打稿比客批色. 好似彩色影印咁. 客人唔可以要求改變任何一種顏色, 唯一可以把整張的顏色加深或減淺.

如果個file有layer的話, 咁你就可以按客人要求改變所須之顏色.
例如: 客人要求圖中 - 花的紅色加深的話, 印刷公司便可把整張紅色菲林之色度加深.
請注意, 只要是任何一個圖案之紅色加深, 那便會影響整張圖之所有紅色.

其實有關的layer問題, 在此很難詳盡向你解釋. 但如你的客人只要求你改顏色, 那以上的答案應可給你應付到的了.

👍 0 👎 0