我22歲..第一胎..急問BB問題

HELLO! 我現時懷孕第二胎.
1. 您哋係咪兩公婆都有哮喘&鼻敏感? 如果兩個都有, 咁通常都有好大機會遺傳俾BB. 但若果只係您有, 咁機會就小一半喇, 但唔須要咁緊張, 好似我咁, 我都有鼻敏感, 所以我個女都有, 呢d唔係乜嘢大件事, 所以唔駛咁擔心, 而且香港空氣咁差, 鼻敏感係非常普遍; 至於哮喘, 我識兩個早產BB都哮喘, 雖然細個時係麻煩d, 但您自己係過來人, 您應該好識 take care佢既, 您唔駛咁擔心, 而且唔係一定會遺傳俾佢既, 您可以請問吓醫生, 不過醫生只會答您遺傳比佢既機會有幾多!
2. 您而家既預產期, 醫生只係依照您Period最遲嗰日幫您計, 所以未必100%準, 您下次去覆診, 佢就會依照bb既大小覆您最準確既日子, 預產期遲幾日或早幾日都唔緊要, 但遲生或早生唔係您或者醫生估計到架, 唔好咁擔心啦, 您陀bb要10個月, 即40個週期, 如果您咁擔心會影響您自己既情緒同埋bb既心情架, take it easy, 放鬆d, 我明白初為人母既滋味, 一齊順期自然就好喇!
3. 您係本身有情緒病定係陀左bb先有? 開情緒藥&安眠藥比您嗰個醫生係咪您既婦產科醫生定心理醫生, 佢知您有左嗎? 一日食20粒安眠藥實在太多喇! 您須唔須要番工架? 您咁樣食藥同咁既情緒真係要同醫生相量先得, 唔須要害怕, 您應該控制到自己既情緒先再諗bb, 但您必須同您老公及醫生相量!! 我生個大女時, 都產後抑鬱, 所以d胎都有d擔心, 但不停擔心係於事無補既, 唔好成日諗住, 保持心境開朗, 輕鬆就得喇!
4. 通常14-16週都已經照到bb既性別, 18-20週就照到bb正唔正常, 有冇兔唇呀, 手指, 腳趾, 心, 肝, 脾, 肺, 腎, 血管全部照晒. 到7個月再照一次就OK喇!
6. 您有有嘔呀? 唔好夾硬食哦, 食滯咗就唔好食咁多, 肚餓時食到剛剛飽就得喇, 或者試吓食d消化餅, 千祈唔好亂食藥, 長期仲係咁, 您下次覆診問吓醫生啦!
記住呀, 女人係好勁架, 堅強d, 生完您就會覺得自己好勁, 做一個好媽媽, 全部嘢都要响好既方面諗, 冇嘢可以影響到您, 同老公要傾訴心事呀! 唔好乜都埋响心! 祝您同bb永遠幸福快樂!!

你好。

看來，你真是個多愁善感的人，既然有了BB，是上天賜給你的，應該開心才是；為什麼偏偏要心會不會遺傳哮喘、鼻敏感、情緒病給BB。你自己都成22歲，如果這22年日子都過得不壞，比上不足，比下有餘，做人都算不過不失了。那麼為什麼心這麼多呢？哮喘、鼻敏感、情緒病不是絕症；醫藥發達，全部有藥可治。最重要的是，你如何給予你的BB有安全感、快樂的童年，情緒病亦會消失。

1. 哮喘、鼻敏感和情緒病(抑鬱症),是會遺傳的，但有得醫，而且好視乎後天的調理。

2.日子會計算錯誤，相信超聲波會準確些；遲生BB，就當如給BB多一個星期吸收你給他/她的養份，出世之後會好揍些！體質會好些，如果加上餵食人奶，那些哮喘、鼻敏感會有機會無那樣容易發出來。何嘗不是件好事！

3.不要再吃那麼多的安眠藥，很有問題；對你和BB都不好！要講給醫生知，你已經懷孕了，看看有沒有其它的辦法幫你。或者你是個不需要6個小時的人，只要你的精神能應付翌日的工作就得了，不要迫自己。得閒聽下音樂，當胎教，或者自娛都得，精神自會緩和些，或者，會睡得好些呢。

4.通常13—14個星期，即可知道有沒有"唐氏綜合症"的可能性；18—20個星期可查出"天生缺憾/畸胎"。 但最好都是不要胡思亂想，才算上策。

5.食滯咗，無問題，飲杯果汁；平日少食多餐，要有菜、有肉，牛奶、雞蛋就得了；記得葉酸，少量有碘質的食鹽對BB的腦部、脊椎神經的發育是很重要的。

女人生仔，是件大事，尤其是第一胎，當然要小心的。有問題，講出來，你放心，我開心 ， 助人乃快樂之本也。

1, MAYBE
2, THAT IS NOT A REASON 遲生BB
3, YOU BETTER TALK TO YOU DOCTOR, YOU SHOULD NOT TAKE ANY 情緒藥&安眠藥
4, ABOUT FIVE MONTHS OLD
6, NO IDEA, BUT DON'T DRINK TEA NOT GOOD FOR BABY

1會，但不一定，因為遺傳有分隠性基因和顯性基因，前者較少機會有
2不一定，人人不同，不是一定足月出世的
3見心理醫生
4
http://hk.knowledge.yahoo.com/question/?qid=7006081805069