点解D鸡蛋发晤到企身ge~?

其實有好多因素會影響到蛋白打唔起, 一. 工具唔乾淨:所有工具(包括個打蛋器, 分蛋器, 不鏽鋼盤等...)都唔可以有水同油, 如果有油一定打唔起, 二.分蛋唔清: 分蛋時不要弄破蛋黃, 三.方法: 有部分食譜會敎人將砂糖一部份加入蛋白, 一部份加入蛋黃, 不過我個人認為都係放入個蛋糕度,所以我多數會用大部份砂糖用來打蛋白, 反正到最後都會mix埋一齊

人手打蛋白方法如下:
1. 用手動打蛋器將蛋白打至起泡
2. 加入1/3的砂糖, 打至蛋白質變成白色忌廉狀
3. 再加入1/3的砂糖, 打至蛋白變硬(但不會黏附在不鏽鋼盤內, 當搖動不鏽鋼盤時,整會蛋白霜會形狀不變但在盤內搖動)
4. 加入餘下的砂糖, 打至要的硬度(一般用來焗蛋糕的蛋白會打到硬度較高, 反轉個不鏽鋼盤都唔會倒下, 整個蛋白霜會黏附在不鏽鋼盤內)

其實我唔係話好有經驗,但係我聽人講室溫ge旦係易d發ge喎....
但係我就冇所謂ge,只要個兜係乾淨,用打旦器就會打到
不過最重要係d旦黃同旦白一定要分得開,因為有只要有dd旦黃,d旦白都打唔起ka
ps~大約8~10mins就ok
^^加油!

你d打蛋盤少少水都唔可以有....如果唔係就打唔起
我多數都係較到最大速度黎打......
你可以坐d熱熱地既水....等d蛋白有少少熟咁樣...但唔可以太熟
如果唔係就唔得...
你都可以落少少糖落去.......有d幫助下

仲有雞蛋唔可以雪凍，要係室溫，可試用冰水座住用打蛋器打會快d

會唔會你分旦白,旦黃時,個黃穿左,漏左入d旦白度?又或者你盛旦白的器皿本身有油,油會令旦白打唔到企身的.
其實d旦白凍d,會易d打起旦白的
又或者加幾滴lemon juice都有助打起旦白的

2007-03-12 21:42:48 補充：
其實只要d 旦白無油,用電動打旦器,一定會打到d旦白企身的

2007-03-14 23:40:22 補充：
樓下的網友,唔好亂教人啦!旦白坐熱,旦白係好快熟的,變左白色,熟左咁仲點打到企身呀!用一隻雪左的旦白,同一隻放在室溫的旦白比較一下,咁會發現雪左的旦白係稠身好多的,室溫果隻就稀d,稠d的話係會容易打到企身的

點解會變左有泡既蛋漿? 係只要用蛋白黎發
係要順時針甘發架窩 container要稍微打斜
加糖會快d企身