買丁屋 or 私人樓好？

買丁屋好定私人樓好？好難答你，因為都唔知你想點，不過可以分析一下兩者的好處及問題所在如下：
銀行按揭：私人樓宇選擇較多，而且比較容易做樓宇按揭，原因是私人物業成交數量多，銀行在做物業估價，會以最近成交的同區樓宇為指標，估完價再批按揭。而丁屋的成交量少，如果同區無成交紀錄，就比較難估價，問題就是估唔到價，因為銀行如果保守，無參考價格就只會估低點，到時就借唔夠錢你買樓，舉例如果業主開價120萬，但銀行只估到100萬，批借七成即70萬俾你，但你預算問銀行借84萬就夠數，而銀行借唔夠俾你，你是否可以另外借多14萬？如果得咪無問題囉！明嗎？因為銀行好多時估丁屋唔到價，所以買丁屋就要還價還保守點，這不是有心壓價咁無良，而是銀行的做法，當然如果你首期有一大畢，唔駛點靠問銀行借就可以豪點還個好價俾對方。亦因此，丁屋買賣就比較困難，因為還價者多比較保守小心，所以就好難買到好價錢，同樣，如果你買了丁屋，之後要放盤亦一樣困難，所以如果想投資及經濟力唔太好，買丁屋就要考慮清楚啦！而私人樓宇就無咁麻煩。
樓宇質素：私人樓宇質素點都較好，因為有物業管理公司負責維修及保養，買丁屋就無啦，要維修就要自己攪掂。而且買樓個人有個考慮，就是多買單位多的屋苑，因為維修費多由單位業主共同負擔，所以單位數多就是多人分攤維修費，就算費用大，但單位多就分攤出來就會有限。而丁屋一座最多得三戶，多少維修費都是三戶分，條數點計自己諗啦！
保安水平：私人樓宇可以聘用保安人員，而丁屋就無啦，要防賊就要自己攪掂。不過私人樓宇就要俾管理費，而丁屋當然唔駛啦！當然這及上一點都是指獨立的丁屋而言，而一些集團丁屋，如私人花園等，都可以有保安及管理公司負責維修，不過當然要俾管理費啦！
居住環境：這點丁屋就一定羸晒，空氣好，如果門前有庭園就更正，可以種下花，養下小動物，而且一座得三戶，鄰里關係都好好多，而且又會太嘈雜，最好是限制小，例如養貓狗，現時許多私人樓宇就不準養了，又且如果住頂屋，好多時連天台（當然會貴點）不過假期可以在天台燒烤玩留，或者周未末下午在天台晒太陽，寫意之餘亦好過癮，有時招呼朋友，玩夜點都唔怕俾鄰居投訴，因為都無同一層的鄰居嗎？你話幾自己呢？
其實總括一下，如果你是經濟力好，個性又獨立，唔怕太靜的居住環境，喜歡自己解決問題的話，就可以適應丁屋的居住環境。而如果你咩都唔識攪，連剪草除虫都怕麻煩，就奉勸你唔好住丁屋啦，住落你就知死，咩維修都要自己做，仲有夜晚又怕有賊入屋，覺得無人幫到你，就成晚唔駛訓啦！

Professional answer!Professional user!

我自己現在住緊丁屋,好處是實用率較高.一般700尺等於私樓800~900尺因為丁屋實用有95%,除此之外丁屋一般有露臺,但無中央煤氣,要用要自己叫.
丁屋不需交管理費(因為無人管理,無人倒垃圾,無人清潔樓梯,無保安員).
由於丁屋比較少人接,所以我建議先租後買較好.

我0岩0岩新手買完樓 對丁屋同私人樓都一直有留意, 兩面都睇過樓 你比0既資料太少, 不過你直接e-mail我 比d資料我先, 例如想買邊到 幾多錢
我二十一歲 0岩0岩買左一層九十萬0既 按揭做九五 d程序全部都係我自己參與, 亦好希望幫到你! (幾十至幾百萬丁屋我都有睇過 因為之前我爸爸想買!)

[email protected]

(不求分數 希望真係可以幫到你 )