去沙巴要準備d咩

沙巴天氣炎熱,多帶索汗及舒適的短袖Ｔ恤每人6件左右(本人當時在沙巴時每天起碼換两次T恤),短褲每人两條,即棄內褲每人一打,日常多數着短褲及凉鞋.(如要上神山每人需長褲及外套各一件及須行山波鞋)泳衣每人約两套,另蚊怕水及大陽油必備,,(唔帶的訪亦可去當地超市買),陽光雖舒服,但不知不覺己晒傷皮膚,出海切記在身上見光位搽太陽油,特別是頸,膊頭及額頭.坐小艇看長鼻猴及瑩火蟲的地方勁多蚊,要蚊怕水.
建議帶好D嘅護髮素及洗頭水(因海水好傷髮質)及一塊滴露梘沖凉用,大毛巾可不用帶,出海時酒店每人發一件借用.
.叁加激流建議玩二級以上(本人當時玩二級,不過都覺不够刺激),去沙比島用面包喂魚及潜泳望水底極過癮好玩,如有好的潜水鏡可帶去(島上雖然有得租但都幾朦下)如需戴眼鏡記得戴Con,不要有框的,潜水時方便Ｄ!除小費及及機場稅外,現金最少每人帶港幣3仟元!(換馬紙不要一次換晒,要幾多而換幾多都未遲,同導遊換,因港幣用唔晒可帶回港)希望幫到你!

2007-03-12 22:28:18 補充：
食方面去海王城食老虎蝦及斑馬紋瀨尿虾,清蒸無咁好食,建議用椒鹽整有鍋氣Ｄ.去味雅食海南雞飯,不過本人覺無乜特別,沙巴也無也野買,導遊會帶團去海味批發處買手信,全部即凍海產價格唔算平,不過質素算唔錯,建議買幾箱榴槤雪條,所買之手信不需自己拎,公司會包装好寫名字届時送到機場給你過目一齊回港.

2007-03-12 23:19:04 補充：
玩激流時,橡皮艇舵手會特登在急流位上岩石制造刺激,幾乎每次皆有人跌落水,山水特別清凉順便游下水都幾盞下,但是因着住救生衣,就算是大隻佬都好,十居其九在水上靠自已一人力量上唔返橡皮艇,唯有要叫舵手將自己从河中秤上來,河面對上的樹叢也經常可看到毒蛇盤在樹枝上.

2007-03-12 23:27:58 補充：
去沙比島玩水上電單車是自己揸出海暢遊,可两人一齊,但要小心,因有海蛇出沒,特別是海中的木浮臺處.

2007-03-13 00:27:34 補充：
中意釣魚的朋友不能錯過在沙巴釣魚,一般酒店下面會所可租艇出海釣鱼,本人及友人两個人用了港幣七佰多元租两個鐘艇去釣鱼,揸出海約4-5公哩遠停船釣魚,釣具及餌由艇家提供,我及友人及揸艇員三人一齊釣到唔停手,勁多魚,由於未算去遠的深海處,故多數是手掌段大小石斑,紅衫鱼,大眼雞等等多種鱼類,回程時鱼獲己有大水桶半桶之多,多到都費事數條數囉,我及友人將所有魚獲都送俾艇家了.僅享受釣鱼的過程己經滿足了.

1.不用,因冇咩野買
2.數套,長及短,雨衣,2套泳衣, 帽
3.太陽油 一定要,勁那些,毛巾，沖涼液看你住酒店質訴
建議帶好D嘅護髮素及洗頭水(因海水好傷髮質)及一塊滴露梘沖凉用,大毛巾可不用帶,出海時酒店每人發一件借用.
及
我4/4也同男友會跟星晨去沙巴及汶萊5日4夜，　我們同一團嗎

跟團唔使自己搬行李,冇乜所謂
去沙巴,多數是戶外活動,陽光海灘,你預一日兩套衫換
早上一套,晚上一套
如果有水上活動,通常泳衣打底,預左濕成日
面衫可以洗(自己或酒店),或買新的即用
泳衣一晚未必乾得到,你唔界意up住一陣,(去到玩又濕過)
或者唔係日日水上活動的話,一套夠
酒店大多數會有毛巾,沖涼液
大毛巾泳池會有,防晒一定要,度數個人喜好
防水(防沙)袋仔,裝d相機電話錢之類
沙巴治安尚可,團體活動時問題不大,買野記得講價
如果個人活動時要小心,財不可露眼
唔好同人爭執,要知點返酒店
如果有事點樣求助