✔ 最佳答案
我註冊同擺酒都分開兩日搞, 所以註冊時先請最親o個啲親戚擺咗三圍酒o
其實無話擺得少待遇差o既, 有生意唔通唔做咩, 最搵錢先係酒席生意呀!
你可以親身做吓research, 睇吓邊間酒樓有啲偏廳可以作為小餐飲宴會, 可以做到自成一角咁, 咁就唔怕人來人往又被人望到啦.....至於新娘房, 我真係唔清楚喇, 因為間酒樓可能一晚擺兩對新人o既酒席, 如果得一間房, 可能都會讓俾擺多啲圍數o個家人啩.....
不過其實擺圍數少啲, 相對黎講唔需要太講究換幾套衫之類o既問題, 我o個陣買條晚裝裙就著足一晚了, 所以我都無話換衫/補裝之類的問題存在o
我介紹一間酒樓俾你呀, 我擺酒喺呢度擺:
麒麟閣酒家, 銅鑼灣利舞臺22樓
食物水準高, 價格相宜, 而且環境大方得體o