澳門兩天遊

我去中旅社買..有d信心...
老實講,去年八月住兩晚利澳酒店,設施真係麻麻,升降電梯超慢,而且又多人,次次都等十幾分鐘先入到電梯(重有好多按摩場的妹子乘電梯上班),原本以為游泳池好大,但去到原來唔係好大,好多小朋友游水,加上游泳池太強漂白水味,我朋友游完水就敏感...
加上check out的時候,勁多人,員工又少、又慢,排左半個鐘頭先完成手續,所以下次去澳門,我都唔會到利澳住....

金都 (較遠,在"乙水"仔,但因為遠,所以平d,而且重可以係"乙水"仔食公雞葡國餐);
或者君裞 (新裝修,會貴d,工作人員態度ok,交通較方便);
或者英皇娛樂 (裝修ok, 又方便賭錢,因為樓下已經係賭場,交通方便)

金沙buffet最好,又平,前兩日去,188/位,加$10附加費,好多海鮮食(在二樓美食度場旁)
360度旋轉餐廳, 會旋轉,可以一邊食,一邊欣賞澳門全境(最好晚餐去食),若2百幾/位 (節日假間3百幾/位)→樓上重有得跳"笨豬跳"=_=
新馬路帆船餐廳,食物好yummy~~
路環的葡撻都勁好味,不過就遠d,因為路環係"乙水"仔再入 (要坐大約15分鐘左右車先入到)

你應該去 中旅社 or 油麻地旅遊 買 package 會好 d !!

==================================
邊間酒店又唔太貴而且又OK呢?
格蘭酒店 or 駿景酒店 !! 自己覺得好住 去親 澳門 都住呢間 ( 格蘭酒店 ) !!
( 格蘭酒店住過幾次 , 駿景酒店住過一次 )

=============================
不過 , 你紅色假期去都會比平時貴 d d !!

如果要買package, 其實係油麻地旅遊最抵, 星期六去兩日一夜住4星(金龍)都係1千3百尾(雖知道星期六最貴), 如果幫襯中旅就要1千5百幾, 不過前者就係尖沙咀上船(新渡輪), 後者就係上環信德中心上船(turbo jet)咁有d人話turbo jet就會舒適過新渡輪(冇咁"浪") 但我就覺得冇咩好大分別.
酒店方面, 通常4星環境就好過3星好多(新3星同舊4星就冇得講, 所以新3星既價錢會貴過舊4星) 不過我自己覺得金龍幾好, 又新(好似05年)地點又方便, 另外, 想平d既, 駿景既房同環境都唔錯, 不過係氹仔(我自己覺得冇咁方便囉)價錢較金龍平幾百蚊, 切合你唔太貴又ok既要求囉, 反正澳門d巴士先2個幾一程.

記住記住記住唔好去星際食buffet , 又唔好食無咩揀 , 最衰就係食完肚痾o個下慘 , 所以要緊記呀 !!

本人經驗就覺得上環信德中心有間好似叫南華旅遊(專Book澳門酒店)幾好.
可以參考中旅社或錦倫旅遊, 同以下網站
www.macauhotel.hk 價錢不可作準
金龍酒店 - 中價, 新淨又近漁人碼頭
麗景灣酒店 - 雖然係氹仔但過橋就到, 附近有巴士站方便, 環境唔錯, 不過就舊D, 價錢平D