我隻貓貓賴尿尿啦

你隻貓貓幾大啦?而且佢除左係你張床尿尿之外仲有冇係其他地方尿尿啦?
而且你幾耐幫佢清佢個廁所一次及佢個廁所有冇蓋既?

1.因為有時佢嫌個廁所污糟都會有既可能性,如果個廁所係有蓋既話咁個廁所底
會唔會有用報紙放底呢?因為有時有可能如果有報紙放底既話可能天氣潮濕而引
致有水氣走左入去個廁所或佢地覺得濕既話都唔會去,你試下將佢去開既廁所大洗
一次之後再放番d新砂入去,如果因為呢個原因係有濕氣既話咁你洗完佢會去番個廁所

2.你幫佢清理個廁所既時候你會唔會覺得佢既尿尿好大陣類似薄荷味咁好供鼻既?
如果係咁可能佢就有尿道炎啦,因為本身我有隻貓貓之前就係咁會周圍痾尿尿同便便,
唔只係床度去,後來帶佢去睇獸醫先知佢尿道發炎要長期食藥控制,而家佢就冇周圍去啦

3.會唔會有時佢係報復你教訓佢所以先會係你床度尿尿呢?因為有時佢地會係咁既

4.而且你有冇成日移動佢個廁所呢?因為如果有咁既情況佢都有可能會唔去佢原本既
廁所既

5.而且佢做左絕育未因為未做都有咁既可能性因為霸地盤,不過係貓仔先會既

6.如果佢之前係我張床度便便同尿尿既話我洗床舖既時候會加埋滴露消毒藥水落去
咁d尿味都可以冇左既,不過你要記得睇清楚佢會呂會係第2度尿尿過喎,如果有你記得
要用野抺番減左陣味,如果唔係佢有可能會再係個度痾過既,我唔知用咩拖番啦應該,因
為我用既係佢地專用既寵物綠水既

希望以上資料可以幫到你:)

我隻貓仔都係因為發情..成日係屋企周圍痾尿
梳化、床、被、書、報紙、衫...冇一幸免!
因為貓的尿係有亞蒙尼亞,所以好臭..仲有係好難辟味..
如果貓貓係我床上痾尿 .. 我要換哂所有床單!
而被就要拎去焗... so未幫佢絕育前 .. 我都唔會卑佢入房
不過養得佢 ... 就要遇佐會有呢d事發生
遲下你就慣咖啦

你試下買支禁區噴霧，係隻貓亂痾尿的地方噴下，咁就可以辟左陣尿味，同埋貓貓唔會再係噴左禁區噴霧既地方再痾尿，好有效，你都可以試下，以下的網頁就可以搵到這些產品:
http://www.pet28.com/profile.asp?id=2787