『鄭秀文演唱會2007』優先訂票服務 有冇人打得通?

我由 9:00 am 開始打，終於喺 11:35 am 打通喇！個電話係有人接o架，唔係電話錄音。完成訂飛過程後個接線生話 2-3 日後會有專人再聯絡確認信用咭咭主的資料及地址等。

註：打電話期間我都試過兩次接了去「3151 7464 的和記環球電訊服務」留言信箱，叫你按 " * " 號留低可以聯絡你的電話，當你按了後個留言信箱就會讀出你的手提電話號碼。因為我唔會佢係咪真係會覆番我，所以我死都唔份氣繼續打，一定打到佢接通為止。

唔好咁擔心啦，啲飛應該唔會咁快賣哂嘅！再接再厲啦！

仲有呀！用 hand-free 打會方便啲，做緊嘢唔駛成日揸住個電話嘛！

2007-03-12 13:58:45 補充：
我用 One2Free 台o架！我係一分鐘打幾次，總之一唔通就收線再打，唔通又再駁線，直至打通為止。因為要返緊工要做嘢，所以用 hand-free 撥電話方便啲。

2007-03-13 13:38:34 補充：
我剛剛收到電話confirm資料喇！不過好驚......其實我係訂咗18/5 $200 x 2張 19/5 $300 x 4張 19/5 $200 x 2張，但剛才個女仔第一次覆我時只係覆咗我 19/5 的 6 張飛，我話："吓？！我仲訂咗18/5 2張$200 喎！尋日個男仔仲 double confirm 我係訂咗 8 張飛喎！"。跟住個女仔就話"哦！你有同佢講就得嫁喇！我而家同你再confirm，你可唔可以再講多次你訂咗邊幾場？？"。跟住就再問埋我信用咭同住址等資料。

2007-03-13 13:42:15 補充：
乜而家啲人做嘢咁兒戲嫁？？尋日接我電話訂飛個男仔聽佢把聲戇吓戇吓，已經叫佢再同我重覆一次我訂咗邊幾場同訂咗幾多張飛。佢明明覆咗我話我係訂咗 8 張，但係今日佢哋覆番我啲資料竟然又有錯漏.......死啦！究竟我18/5嗰場優先訂飛個位會唔會凍過水，又或者已經唔係好位嫁？？仲有，個女仔覆我話開show前10-14日內會收到演唱會飛！好緊張呀！！>_<各位訂咗Sammi演唱會嘅網友，記住有人打電話嚟同你哋confirm時小心啲check同問清楚呀！

我係用手提（3）打通咖～～一見唔通即熄再撥。
由九點開始打，打到09：20就通左。
有個女人叫我留電話、問我買邊場後就話有人會覆返我lu。
跟住同日五點半就有人打黎confirm資料。

不過我估阿Mi應該會加場。到時應該會多d靚位流出黎公開發售啦！

我由尋日早上9:00打到而家一個電話都打唔通呀, 有咩方法呀? 而家都係打唔通呀, d 飛係唔係賣灑啦??????

我都係咁呀! 今日我又係打左好耐12:30pm終於通
之後佢都係問我邊日飛, 幾錢幾住, 留2個電話.
跟住佢又係話遅d有人搵你comfirm.
我依家驚驚地, 佢唔知有冇真係留左位比我, 希望冇問題啦!!
好彩都有人係咁ja!!

2007-03-13 12:29:16 補充：
所有日子都只餘下 $100 及 $200門票昨日因為太多人打去, 所以只留下簡單的資料,而今日會開始打電話比留左資料個d人架啦!!但係我就未收到電話law......

我仲唔得呀... 由 9am 打到而家... 差唔多每 5 分鐘打一次.. 都仲未打通呀..... > ___________ < 真係好驚無晒呀 d $480 位..........

2007-03-12 13:54:51 補充：
仲要係已經用固網電話都係唔通呀.... .

用固網電話打會快D架~~
我用手提同固網電話一齊打, 最後固網電話通左~
好多 sammi fans 都話固網電話最快通~

我想問你地打得通的人係用咩台架,我用smartone都打唔到呀>

係啦, 我都係由九點鐘開始打到而家都仲係打唔通, 打通過一次, 但個留言就話"多謝致電訂購鄭秀文演唱會門票, 但由於辦公時間已經過, 請在辦公時間星期一至五, 九點至九點再打過黎啦, 拜拜".....個電話都唔知係咪呃人架............

我都係由 9 點開始打，但係打到而家 11 點都打唔到。唔通都無辦法，最慘試過打通過架，不過唔知個個係咩黎架，好似留言信箱既野，大佬呀，你賣哂都單聲呀，唔洗我地繼續打呀嘛......

我都打唔通, 都唔知係咪厄人ga
我由9:00不停打到而家, 都係唔通,
點算,會唔會d飛訂哂ga