接受唔到自己係同性戀

我有位女仔朋友Y同另外一個女仔L秘密拍咗拖幾年﹐冇話過人知﹐Y凈係話﹐L纏住佢﹐佢好煩﹐叫我地去街唔好叫L﹐唔好話比L知。
我初初以為係真﹐因為我知L係Les﹐但係Y應該唔係﹐因為佢話佢之前有幾個男朋友﹐所以我都有幫Y隱暪。
前排﹐Y變咗好多﹐脾氣差咗﹐個人殘咗﹐冇晒自信﹐周圍撩男仔﹐差唔多每次落親Club﹐都會同D男仔有好多親密舉動。
最近﹐L先承認同Y一直拍緊拖﹐話Y成日對佢時好時壞﹐又講大話﹐搞到佢好辛苦﹐又成日揾佢唔到﹐L仲比埋證據我睇。
我先知道﹐我地幾個朋友﹐比Y呃得好慘﹐好多人因為Y嘅謊言而唔鐘意L。
究竟﹐點解Y會咁?佢係咪接受唔到自己係同性戀?Y係咪有心理病?
Y最近仲好高調咁揾咗個男仔拍拖添。佢係咪因為我地已經知道晒佢同L嘅嘢﹐所以想證明比人地睇自己唔係Lesbian?
有冇人可以答到我?