有無人可以幫到我？

✔ 最佳答案

妳月經咁亂, 有可能長週期既時候其實係冇排到卵, 所以先會唔容易有bb!!
當然啦, 問題唔一定只係妳身上, 可能妳bf既精子都會有問題發生架~~

如果而家妳地仲未想去睇醫生既, 咁就試下以下方法啦~~

去買d排卵試紙, 大衛排卵試紙(即係我地講既d仔), 呢d試紙香港有人代買, 想自己買既可以去羅湖商業城, 我上年都係果度買, 記得講價!! 如果唔得閒上去既, 我手頭上仲有30幾張排卵紙, 可以讓20張比妳!! (因為我準備訂一個用口水測排卵既儀器, 細細個既, 所以應該唔會點用到排卵紙, 可以讓d比妳!!)

每次m乾淨晒之後就每日10左右用杯裝起d尿, 將試紙浸入3~5秒, 條試紙有條max既線, 記得不要超過, 唔係唔準架!!
之後等10分鐘, 就會有線出現, 如果有下線, 就代表快將排卵, 如果下線同上線一樣深, 或下線深過上線, 就代表12~36小時內會排卵, 咁呢段時間就好好努力啦!!!

同時間亦可以做下基礎體溫表, 每日朝早訓醒唔好起床住, 用d基礎體溫專用既體溫計量度5分鐘, 然後記底佢, 睇下體溫既變化, 靚既體溫, 即係正常有排卵既體溫, 應該係mc時候會稍低溫, 然後有日會突然低左0.5度c, 第2日又忽然升返上去, 然後keep住之後14日有高溫(即係比最初稍低溫高出0.3~0.5度左右), 咁樣就係一個靚既體溫, 而排卵日就係突然低溫果日勒!!!

2樣野夾埋, 就會比較易d睇得出有冇排卵/幾時排卵~~

呢d都係最平而且最方便既測排卵方法~~

當然仲有d啦, 例如留意自已既分泌物, 有蛋白咁上下濃度, 可以拉到絲, 又係一個排卵既signal~
仲有我頭先講我準備買既用口水測排卵啦, 不過因為我都仲未用過, 所以唔推介妳用住~
仲有就係數日子, 不過呢個係準時既人先有用, 我地呢d唔準時既, 就冇乜用啦~~~

我都努力左1年幾, 一起加油吧!!!

有乜問題可以再問, 大家交流下~~

回答 (2)