我住係尚德，以下學校應該點去??

諗你都係參加公開試要去呢啲學校考試啦...
我都係住尚德, 平時如果我去呢啲地方我會咁:
1. 拔萃男書院 (亞皆老街131號)
- 九巴296C / 新巴796C 到 亞皆老街, 嘉麗園對面 落車,然後過馬路到對面, 再行斜路上.
- 搭地鐵到旺角 D2 / D3 出口,之後都係要行...再唔係,我諗搭十幾蚊的士上去.

2.聖若瑟英文中學 (觀塘道61號)
- 九巴296C 到啟業邨落車, 過對面天橋就係啦！
- 又或者, 九巴296A 到觀塘轉其他車, 如 1A, 11B, 11C, 11D, 13D, 3D, 16, 15....都可以(不過,唔想咁煩又驚搭錯車都係坐返 296C 一程車搞掂!)

3.潔心林炳炎中學 (橫頭磡富美街9號)
- 新巴 796B. 過坐黃大仙之後轉入橫頭磡就落車, 間學校就係對面啦.
(不過, 796B 班次非常疏落, 記緊預多啲時間出門口, 如果走咗一班車可能要等20-30分鐘架!)

4.順利天主教中學 (觀塘順利邨順緻街7號)
- 搭車到觀塘, (創紀之城6期,毅力工業中心對面, 油站對出), 有架九巴 23M 號 (循環線), 每10至20分鐘一班車, 到利安道, 順利邨利業樓對出落車
- 搭地鐵到寶林,到新都城2期商場下面坐新界綠色小巴12號 到 順清街, 順利邨利康樓對出落車, 再行入邨.

5. 世界龍岡學校劉皇發中學 (大角咀詩歌舞街66號)
- 呢個比較難去,我以前曾經係嗰頭返學,我會搭296C 到長沙灣道49號落車然後行入去.不過,那兒的小路同分叉路都多, 最好都係試下去,搵下間學校實際位置, 因為咁講你聽你都未必知間學校所在位置.

在此聲明,以上只不過係我之前的經驗,其實或者有其他方法更快捷方便. 你要自己計劃下啦!
都係嗰句,考之前一兩個星期去下要考試的學校,預返時間(包括等車,車程,有時會塞車--尤其是旺角;仲有行走的路程等等...)再者,帶多小小錢旁身,因為如果真係咁唔好彩遇上交通擠塞,都可以落車打的.

最後,祝你考試成功!考得好成績!努力!