我想問跑100米,200米...點先可以快d

1) 練好蹲踞式起跑，我以前玩開跳遠冇你跑得咁快，但我起跑動作做得好反應快加上起跑一剎的爆發力夠，一起跑就驘人幾個身位，除非遇到高手，否則頭20-30米都是我帶頭。(之後70米就......)

想跑快d就要練大腿同小腿力，你14歲，教你一些不用上健身房的方法，免得洗錢

2) 同時練大腿小腿復合方法，跑上斜路是其中一種(跑要快)，如斜度足夠，長度30-40米已可以，如你夠力可增加長度，每跑一次後休息一陣再跑，如心臟跳得太急，可休息多一陣，最少要跑4次或以上，練200米要跑多幾次啦，總之跑到腳倦就休息啦，小心過量拉傷！隔1-2日先好再練，因為肌肉要有足夠休息，才能變強，但每次跑前後記得Warm up、伸展、Cool down、再伸展。

3) 家中練習法，其實多做踎低起身對大腿肌肉亦有幫助，做20-30下一次，休息再做，做4組。踎低時不要太落，會傷膝頭。負重練腳跟離地動作，做20-30下一次，休息再做，做4組。

備註: 練完覺得肌肉緊一定要做伸展，否則肌肉太緊，一樣影嚮速度。

當然要多d練習啦。
因為跑需要好大既熱量，要食d熱量高既野。
跟住就係要一對岩著既釘鞋呀。
平時要多d鍛練一下大腿肌肉呀。
練爆炸力。