唔想再係咁落去, 我會唔會變成孤獨精？好矛盾....

唔知點解心情好似唔知點咁.
又唔係唔開心, 但就好似做咩野都覺得提不起勁. 負能量不斷湧出.
近排就發現自己越來越封閉. 變左孤獨精. 上個星期五. 舊同學約左食飯. 我都諗左好耐. 十五十六,
唔想去因為本身工作及屋企地點, 距離食飯地點好遠. 要一個鐘先到. 我覺得出一出去來回要2小時. 加上我本身少坐咁耐的車~
覺得會個人好累. 第2日又要返工, 吃力不討好.
想去係因為難得約左阿sir 一齊, 所以最後應承左.
到左前一日, 我竟然甩底, 因為前兩日唔舒服. 我覺得好內疚. 身體都係少少唔舒服, 但我就以呢個藉口唔出去.
變左飛機王.

好耐之前, 係xanga 開左個blog. 但係到現在又要工作, 放左工, 又要趕住練琴 (準備考八級), 放棄左好多時間.

表姐係新年假時, 都有問好同唔同佢的朋友去玩, 咩嘉年華, 因為過年, 難得放假, 我又以要留係屋企執野, 休息下作藉口, 所以拒絕左.
跟住幾日, 我都係冇咩點出過去玩. 只係係屋企附近行下街. (除左初三同爸媽去行街之外).