好灰...好灰....

其實你唔駛灰心, 你而家仲細, 我好似你個年紀個陣, 都好似你咁, 直頭一模一樣, 後尾仲學人出呢wewe wetwet. 直至10年前, 突然發覺咁樣係唔得架喎, 咪走去搵工. 好彩我細佬公司請人, 我咪由低做起, 我細佬係個間公司做到都叫中級啦(係一間出名的美國牌子時裝公司), 你可以想像我都幾......., 但係做人既野, 決定左就唔好俾自己番轉頭, 我知道俾其他人遲起步, 咪俾人用多1倍時間做囉, 1倍唔得咪2倍, 2倍唔得咪3倍囉! 到而家都叫有少少成就啦! 所以我完全明白你的心態, 係呢10年, 我發覺學歷並唔代表你的全部, 唔代表你的 一生, 我會考得3科E, 依家我夠膽同外國人傾生意, 雖然唔係好捂, 但都溝通得到. 係呢個社會做野, 經驗比學歷值錢!! 如果我真係好似你咁, 成日左諗右諗, 可能就係咁就一生.

我唔會同你講"邊方面有興趣就試下搵個類工做"之類, 因為你自己都講學歷所限, 你應該唔好介意做咩工, 因為我相信行行出狀元, 只要肯努力, 一定會有人睇到. 心機係唔會白費. 增加自己既經驗, 只要經驗足夠, 唔會有人睇你學歷(我自己就係例子)

記住, 當你覺得前面無路, 你就自己開條路出呢行, 其實可能仲好, 因為條路完全係fit你自己, 度身訂做, 簡直完美!!! 駛咩需要羨慕人, 等人羨慕你都得架, 係咪??

我好多fd已經做到好高級, 因為我玩緊時佢地已經搏緊命, 所以我要追番番黎, 你而家起步未算遲, 共勉之.


p.s. 我都係最近呢一年先學識打中文, 我好多fd都唔識, 你已經叻過好多人

其實你都清楚知道晒自己既問題，關鍵就係你自己改唔改
你肯改左d問題，咁你眼前既都唔係問題
你讀得好，就算唔去外國，都一樣大把大學收
再唔係返大陸讀大學，而家黎講都係一條好出路
要去外國留學，其實仲要學習獨立，但係我都感覺唔到你可以獨立...
你而家唔叫得做灰...而係一直都唔知自己做緊乜
讀左咁多年書，你就只係識得羡慕人地點叻，但係從來都冇諗過自己鍾意乜，想做乜
興趣既野，唔一定要由屋企人培養，亦都可以自己去搵，只係你一直冇留意過身邊d野0者
個個都話「我對所有野都冇興趣...」，咁只係証明左你係懶，唔想做野0者...
面對現實啦，讀書唔可以讀成世ga，總要出黎社會做野
或者你出黎做番一、兩年野先考慮讀咩都未遲，免得浪費左d錢，咁依兩年d錢又可以儲起黎，留待將來讀書之用
你應該諗下如果冇左屋企既照顧，你又會點?

唔好灰, 唔一定要勉強自己一定要返學先係最佳選擇...

你d屋企人因該係了解你先幫你選擇...你咪試下返工先, 如果有日發現返工唔慣先讀下書, 充實下自己先, 呢個係其中一個方法~

但講到底你讀幾高學歷都好, 都要出來讀下社會大學(要返工)呀, 或者返工會啱你呢, 未試過點知呢, 到時做到咁上下時候, 儲點錢靠自己再進修吧, 你明知屋企有原因先俾唔到錢你去讀啫, 你亦都知自己未必係材料ge時候, 就算俾你讀都未必係好事, 所以你都唔好寄望咁多, 面對現實吧啦!

我以前都好唔鍾意讀書, 好早出來工作, 過了好些年ge我都有進修, 因為我明白自己要d乜, 知道而家d人都係看學歷同人品, 所以我都會同自己加油, 希望你唔好諗太多吧!!