新都會廣場同埋葵涌廣場度邊間剪頭髮係剪得靚d架?

以前新都會嗰間勁掂SALON，而家搬咗去美孚。叫TOP STYLIST SALON，D髮型師勁掂、又型又靚仔、靚女。最衰好多客成日要等。我而家醒咗，去前必定預約。地址：(自己查啦？！)超堅料!!!!!!

間SALON o係我屋企樓下...千萬唔好去...係屈錢o既salon...好多街坊都知...個老闆叫alex...我媽咪本來佢剪開...有一次...個老細同我細佬講講o下o野就叫個洗頭仔放d焗油落去,之後就收我細佬$600蚊....但我細佬從來都冇話焗油...仲要我細佬係一般男仔短髮型,髮質健康,都唔知點解要焗油......

良心建議你唔好去葵芳剪頭髮...
我fd上次係葵涌廣場2樓入面..係間面店對面果間salon度剪...
個頭剪頭髮果個人態度差...見你幫襯少、著校服就黑口黑面

如果要剪頭髮...
我去過荃灣果邊...行panda hotel果條天橋...過2-3間商場之後...近門口果度有一間叫hairxxxx(我唔記得個名..但一定係hair做開頭)
細細間...
但唔錯~~
最好就係搵女髮型師幫你剪...
男的手勢...真係見人見智...

希望幫到你啦~