點先可以追到自己鍾意既人???

如果已經識左同傾過計的話就比較容易啦...
要睇個女仔係咩性格, 如果佢係比較內向私文D既人, 就最好慢慢黎..
好似話慢慢咁對佢好D, 言語之間多一D曖昧...
關心佢多一D咁啦...

如果個女仔比較開朗D既, 你可能可以以開玩笑既方式向佢暗示..
打多D電話比佢, 言語上多D關心...

無論佢係咩女仔都好, 一定要O係佢面前有風度同細心!!
呢2樣會令女仔加好多分~~!!
就算一D小小既動作都會令女仔留下深刻印象架~!!
我身為一個女性既經驗話比我知...
最中意一D有風度, 細心, 又關心我既人...!!!
不過記住, 千奇唔好太急進~!!
曖昧呢段時間係一段感情最美麗既時候...
曖昧會令一個女仔好開心, 好SWEET!!!
個女仔會日日夜夜都諗住你, 等你...
不過又唔好拖佢太耐喎~!! 如果唔係個女仔又會諗你係唔係真係中意佢...
不時做一D浪漫既事感動下佢~!!
咁, 咩女都死O係你手上啦~~~~~~!!

追女仔最緊要係投其所好,只要自己本身條件唔差,想追到女仔絕對無難度,
不過要睇下個女仔既要求係點,如果你同佢心目中既條件不符合,而你又真係好鐘意佢,
咁你要再做d野幫自己加分至得。

你應該首先知道個女仔兩樣野:

- 佢鐘意乜野type既男仔(e.g.運動型?斯文有禮型?多金型?)
- 佢個性係點(e.g.文靜內向?活潑好動?艷麗豪放?)

再從佢既性格同喜好入手,晌佢鐘意既野上面下手,比如話佢鐘意hello kitty,咁你咪借頭借路送d hello kitty野俾佢囉。通常初步都係送野俾對方先,試下佢對你既反應,收到你d禮物,女仔多數都會好開心,不過有d女仔禮物照收,但偏偏唔同你進一步,所以重點其實係要睇下佢收完禮物後會唔會回應,如果佢對你有意,而你又唔係太遲鈍的話,你會feel到佢開始對你好d,咁就證明你得左;如果佢無乜反應,咁一係佢就有男朋友,一係就係佢好貪心,佢唔係好鐘意你,但又鐘意人地送野俾佢,所以乜都唔做,諗住釣住你條癮。如果對方係d咁壞既女仔而你又真係好鐘意佢,咁你預左會追得辛苦先啦。

無論送唔送禮物,你都一定要先識佢先,或者可以話,先俾佢知有你依個人先,咁佢就算想進一步都有藉口同你講野(話晒係朋友丫嘛)。內向既女仔,你可以用sms/email同佢溝通先,你地同班嘛,話晒都係同班同學,佢唔會唔理你既。外向既,你就可以參加佢join既課外活動,藉課外活動同佢混熟亦可。

唔係個個女仔都buy有錢仔架,真係要睇個女仔既性格,單係睇你既問題,我只係知你屋企有d錢同夠高,條件都ok,但可以話,女仔雖然唔係好重視男朋友既外表,但係都唔會好鐘意「八両金」之類既男仔,如果你外在唔夠,咁你要有多d才華先至會引到個女仔既注意。依d就係之前我話「做d野幫自己加分」既意思。

慢慢去 不要太急
用xanga blog MSN 保持聯繫 但小心說話

主動去help 佢 (if she need)
佢會好感動ga

大大方方既 ,一定要唔怕蝕
唔好拖拖拉拉 又要cool d

同other 男classmate 講好想追到佢
等人地唔會同你爭