新課程會考,中文

睇過你既問題之後,我完全明白你既煩惱啊!

如果你要靠自己係中文科攞到好成績,基本功係唔少得架.你要熟悉每一種修辭手法(e.g.借代,比喻,對比,排比,對偶)同知道點分辨佢地.仲有標點符號既用法(e.g.冒號,引號)依一d係閱讀卷會問到.你可以買一d參考書(e.g.語文新趣)睇下.

新課程既閱讀卷模擬試題我都有睇過,好多問題都係問文章既主旨同作者既思想,主要都係圍繞內容理解方面,俾分真係好主觀,依個亦係課程既難處:冇範圍,冇標準;如果你係一個自俢生,咁就難上加難啦.我覺得有一個老師評分係最重要既,佢可以指導你邊一度有分,邊一度冇分.如果只靠自己真係好難有進步,所以我認為你應該去補習

文言文真係比較難,所以要睇多一d.你可以去圖書館借文言文既書,要有語譯同注解既.好多時睇完一篇文言文都唔知佢講咩,睇完語譯就會清楚哂.通常閱讀卷會有語譯既問題,你要清楚d虛詞既意思(e.g.之)

至於作文,其實你唔駛太驚啊~雖然你丟棄左成年時間,但係靈感一到就會寫唔停架啦.你要多睇書,靠平日累積多d素材,考試時可以用出黎.其實更重要既係唔好睇錯題目.有"試談談你的看法"之類既關鍵字眼係議論文,首先論點要明確,然後要多用唔同既論證方法,如舉例;有"......有感"之類既字眼既話就屬於抒情文,用多d唔同既抒情手法如借景,借事...最重要係緊扣文章主題,一離題或者寫錯文體就扣好多分架啦~

至於綜合能力,我認為你唔應該太在意範例,反而要多做練習.與其考究點分程度二同四,不如
搵d練習黎做實踐一下.我之前都睇過程度1-5點分,但係睇到一頭霧水都分唔清.其實綜合能力既作文係唔同平時既作文.佢通常係簡短寫作或者係實用文.你要背熟演講辭,會議紀錄,啟事等既格式.更重要係知道有咩應該引用data file既資料,有咩要自己寫.

我中文唔係好,以上只係我既小小意見,希望可以幫到你啦~
我見你咁俾心機考好中文,其實真係好佩服你架~雖然你係自修生,但係我覺得你只要繼續努力,一定會考得好,加油!!!

我同意樓上那位人兄的意見
找老師幫忙

又或者可以問下d同學,係yahoo知識到問下人

搵老師問la=.="""
老師幫到你架..........