15分!!!： 家中小白兔不吃乾草，怎麼辦?

你隻兔仔唔肯食草, 我估你可能俾得太多糧or零食佢食.
兔仔一日食兩餐糧, 如果佢係BB, 其實一餐10粒8粒就得gar 喇, 如果佢係成兔(一般六個月大就係成兔, 可以交配), 一餐大概要俾一湯匙嘅糧佢食, 如果兔仔食得太多糧, 佢地就會唔肚餓同埋唔肯食草. 另外, 更加唔好俾太多零食兔仔食, 零食比草香and好食好多, 所以兔仔食得太多零食會唔鍾意食草, 而且零食對兔仔嘅健康亦唔好, 食零食太多, 兔仔會營養過盛, 引致屙軟便同埋痴肥.
我問過獸醫, 兔仔應該每日都要食大量草and兩餐糧, 另外, 每餐再要俾小小大葉菜佢地食e.g.菜心,白菜,芥蘭,生菜, 唔好俾紅蘿蔔同埋生果佢地食, 因為紅蘿蔔同埋生果有好高糖份, 所以係唔啱兔仔食嘅.
草方面, 兔BB需要o既營養比較多,所以主要食alfalfa草,因為alfalfa營養相當高,但同時亦要溝timothy草俾兔BB,因timothy含有好高o既纖維質. 但兔BB長大後, 就唔好再俾alfalfa佢食, 俾timothy佢得喇,因為alfalfa鈣質過多會令成兔生膀胱石,唔適合成兔食,而timothy纖維質高及蛋白質較低,係成兔最健康o既食物.
你而家先要攪清楚自己俾緊咩草佢食, 同埋試下減小小糧, 你要擺好多草o係到俾佢, 唔好怕浪費, 佢踩過嘅都可以執番落草兜俾佢食, 佢肚餓自然咩都會食, 唔洗驚餓親佢, 仲有唔好俾零食佢食, 正常情況下, 佢會食番草.
如果兔兔仲係紮紮跳, 就算佢唔食草, 你都唔洗太擔心, 但如果佢連糧都唔肯食, 甚至郁都唔願郁, 你就要同佢睇醫生喇, 因為可能佢病咗.

你比d生菜佢食,我隻兔仔都系錦,(新鮮生菜)掛在籠旁,牠就會食了。

你可以去睇獸X