急找食譜!!!!!! 10分 =]

想整西蘭花蟹柳絲炒蛋白要4-5人份量其實都唔係好難。
首先就預5人份量，每人當1碗計。
西蘭花(大棵)要2個，剩係要花，重要切到好似喺酒樓食嗰啲size，莖唔要。
我唔清楚你講新鮮蟹肉定係日式蟹柳。我就當係日式蟹柳要用6條切幼絲。
雞蛋白要5隻。
水或清雞湯1/5碗或小許。
薑茸、蒜茸各1大茶匙、糖、鹽、油、酒各適量。
以上就係你要嘅西蘭花蟹柳絲炒蛋白嘅4-5人份量嘞。
......................................................................................................................................
雖然你知道點整，但我都係咁依講吓煮法。
西蘭花切好後汆一汆水，"琼"乾水後燒紅鑊落油爆香薑茸蒜茸，再落西蘭花、小小糖、鹽、酒炒至八九成熟，然後上碟排返靚啲整齊啲。
跟住將蛋白同清雞湯打勻，先燒紅鑊落小小油炒香蟹柳絲，之後轉中細火再將蛋白倒落蟹柳絲同炒，臨炒熟之前再落多小小油再炒幾吓咁炒出嚟嘅蛋白會光滑啲同靚啲。
最後將已炒熟嘅蟹柳絲蛋白放上已排好咗嘅西蘭花面頭及盡量堆放喺中間。
咁......一道又美觀又好好食嘅西蘭花蟹柳絲炒蛋白就完成嘞。


希望可以解答到您嘅問題啦。Thanks.

對不起, 因不知你的西蘭花打算怎樣整, 很難確定數量/

如西式做法, 即將西蘭花切碎炒蛋, 則份量不用太多, 一棵細的便夠, 相反蛋便要多些, 大概10只.

如西蘭花是先灼好放碟邊, 則要買一個較大的, 而蛋便可放小點, 8只左右便足夠, 至於蟹柳的份量反而不大, 6-8條已很足夠.
其實各樣材料都很簡單, 可在家預先做一次, 到時便不會手忙腳亂.

Openrice.com

http://openrice.com/big5/recipesearch.htm