泰國曼谷自由行

我都係曼谷自由行呀，29/6出發，希望以下o既答案可以幫到你啦！


理論上應該8月下旬會貴D，不過因為6月尾之後有一個1/7連假，所以都俾平時貴左小小，至於價錢，其實好睇你坐咩航空公司，去曼谷o既航空公司有:CX、TG、KA、CI、EK、OX

唔洗講最貴一定係CX同TG，另外KA都俾其餘o既貴D，不過我唔鐘意坐KA，因為佢地每一日得一班機去一班機返，加上佢地有做團體位的關係，好快班機就full晒，因為佢地係細機，所以佢地D位窄D又冇TV 睇(以上純屬個人意見)，另外幾間平價o既CI、EK、OX，
我聽其他坐過CI o既朋友都話幾好，不過時間就得早去午返，好多人都話OX係時間最好o既，因為早機去晚機返，價錢亦係最平，不過佢成日delay，如果有睇開新聞都知，我有個朋友delay左6 hrs之後都係冇得返香港，要等第二日先走到，而且聽聞佢地係買返第二間航空公司D舊機黎用，亦即係人地唔要o既機，所以我覺得好危險咁，我就一次都冇坐過。

到酒店方面，真係要睇下你想住邊種喇，例如:5星、4星？你個人會關注房間的大小？早餐o既質數？酒店泳池要唔要有resort feel？因為曼谷多左好多新酒店，而且最平同最貴真係可以差很遠，建議你不彷諗清楚自已去曼谷想去shopping多D？定係想relax下係酒店游下水?其實你亦要考慮同咩人去，個plan亦唔同，我個人喜歡去6日，會住2晚近BTS & shopping mall既，好似SIAM、MBK咁方便行街買o野，另外3晚會住渡假feel relax下減下壓咁，所以如果你同屋企人去呢，就盡量唔好轉酒店，因為費事要佢地搬黎搬去，不過如果同情人、朋友去又唔怕啦！

價錢係大概機票+$363(機場稅)+酒店
我可以俾我book個4D3N package個價錢你參考~
坐EK，22:25出發去曼谷19:15返香港，3晚Swissotel Nai Lert Park(5星)
Total :$2763(包括機場稅)
另外因為我去6日，所以要book多2晚酒店，揀左間平小小o既，大概$1000/2晚

希望D資料幫到你啦，到時玩得開心D！

*介紹個網頁俾你，應該有齊你想搵o既資料，仲有一定要去佢個討論區呀，由行程、邊到買o野、邊到食野到酒店都好多有用資料
http://www.thailandfans.com/second.html

sorry呀唔記得講，跟團係好似平D咁，不過每人咪又係要俾幾百蚊導遊費，佢地通常會去好多買手信o既地方，到D好多野買o既商場，又變左得好小時間俾你地行，如果真係有心去就唔好跟團喇，其

胡慧沖出左本叫"07年曼谷空鐵好路數"比06年果本更update,你可以買去旅行.

另你話你睇到thailandfans.com d資料好舊,可能你剩係睇度主版面果d,泰好玩...泰好食...,你可按左上角,有個forums click入去,裡面就有一個好似留言版既版面,你可入會,之後將你唔明白既問題,post上去,好快就有人答你架啦.因為個網裡面有好多係泰國既港人睇架.