懷疑肚生蟲

睇你嘅身高同體重，似乎真係偏瘦，但係唔一定係生蟲，有人天生就係”食極都唔肥”嘅．

以前醫學唔發達，衛生環境差，小朋友容易感染寄生蟲，父母見子女”唔長肉”，就會懷疑小朋友生蟲，食甚麼”花塔餅”杜蟲，而家醫學發達，真係生蟲，食杜蟲藥就OK．

常見嘅寄生蟲有幾種：蛔蟲，蟯蟲，絛蟲，中華肝吸蟲；而最會影響人瘦嘅係絛蟲，因為佢好大條，一條就可以吸收你好多營養（一個人正常養唔起兩條絛蟲響肚），如果真係感染絛蟲，你會響大便裡面見到你排出絛蟲嘅體節（通常灰白色，一片片指甲咁上下大片），唔使驗都知．

至於其他嘅寄生蟲感染，就要驗大便先可以確定（睇下大便有冇蟲卵），至於蟯蟲，就唔係驗大便，而係響肛門口用膠紙黐，睇下有冇蟲卵，蟯蟲感染會出現肛門口痕癢嘅情況（特別響清晨時份）．

如果唔想睇醫生，可以自己去化驗所驗嘅（醫生都係叫你攞大便，轉交俾化驗所，然後讀化驗所嘅報告俾你聽嘅o者），真係驗到有蟲先去搵醫生開藥都得嘅．

你冇生蟲，你只係營養不良姐！

咁你個肚有冇好漲先？？？？？？？