急...是否可以和家人一起申請美國簽證

以下根據我上年暑假申請時的情況回答，可以參考一下:
(1) 去簽證係唔係要所有文件的正本同副本都要準備一份?
我準備了學生証、學校信、存摺等正本＆ｃｏｐｙ，但一樣也沒有check。也沒問我有多少錢，只問我的旅費是否由父母支付。（因我說我父母也會一起去美國，不過最後因機票問題，我們不能同行到美國，在不同日子出入境。）

(2) 因為時間緊逼，已經無可能叫表姐寄多份文件來，如果和媽咪一齊去美國，係唔係可以一齊共用同一份文件? 領事館會唔會收左份正本唔俾番我?
去interview果陣,要係領事館出面排隊,去counter度交表,passport同其他文件,如果佢叫你俾佢睇下可以俾份正本,但如佢要收的話俾副本.(佢應該會講中文的)我想這個步驟可以一齊交,同問清楚點做.


(3) 搞美國簽證係唔係一定要以單人形式去申請? (因為以上文件只有一份的難題) 以我超過21歲如果可以和媽咪一齊簽證的話，見領事係唔係都會兩個人一齊見?
你可以2個人預約同一時間一齊去的,只不過入到去見領事,是在一間大房裡等候到 counter interview的,等叫名去才單獨counter見的 .如果你們一齊交文件,話俾佢地聽係一齊去,佢地應該都會一齊考慮.


(4) 同埋，因為我媽咪係part time 做校車保母，平時就係家庭主婦，我同爸爸都有穩定工作，咁其實媽咪佢講唔講自己有做part time 請公司出封證明信，定係講自己係全職主婦會好d 呢?
有公司信證明在職會比較好.其實公司請假信等証明,都只係其中1樣參考資料,都係用來証明你在香港有冇"足夠聯繫",會唔會去左唔返.所以是否在學/工作穩定性都好重要.
另外個人認為表姐的邀請信用途不大,她的入息証明更加冇關係.你要証明你個人係香港有冇"足夠聯繫"同有足夠經濟能力支付今次旅程先最緊要.

(1) 去簽證係唔係要所有文件的正本同副本都要準備一份?

最好，有備無患。幾蚊啫。

(2) 因為時間緊逼，已經無可能叫表姐寄多份文件來，如果和媽咪一齊去美國，係唔係可以一齊共用同一份文件? 領事館會唔會收左份正本唔俾番我?

你表姐份文件並非Official document. 你最多影印多一份，若果佢收咗你份正本咪用副本。

(3) 搞美國簽證係唔係一定要以單人形式去申請? (因為以上文件只有一份的難題) 以我超過21歲如果可以和媽咪一齊簽證的話，見領事係唔係都會兩個人一齊見?

有可能。最多到時叫你任何一個人時，兩個人一齊出現。

(4) 同埋，因為我媽咪係part time 做校車保母，平時就係家庭主婦，我同爸爸都有穩定工作，咁其實媽咪佢講唔講自己有做part time 請公司出封證明信，定係講自己係全職主婦會好d 呢?

應該冇分別。