哎~~比人話，點算？

咁即係你仲係小學啦,怕咩呢?
其實如果要識女仔,只係識,唔係追女仔,都唔難.
我意思即係大家做朋友,唔一定要好搞笑.
最重要係你係一個好人,會幫人,老實,友善就得.
而且友誼係於相處之中建立,如果因為你好好笑就蜂擁而上,都唔係真係友誼.
當然,我明白你係想識女朋友.
但係都唔一定要好搞笑先識到女朋友.
如果係咁的話,全世界所有有女朋友ge男仔都係好搞笑ge人?我睇就唔係.
雖然d女仔話你唔識搞笑,唔浪漫,但係都係講下,你唔使傷心.
因為唔識搞笑可以話係一種性格,但就一定唔係缺點.
當然,有時搞笑d係有著數.
因為人地覺得你有幽默感,你又會同人開玩笑,又玩得,
咁d人就覺得同你一齊傾計一定有得笑,好開心,人緣就自然好.
但係如果只係得幽默感,冇其他優點,都唔一定會令女仔中意你.
始終冇呢樣,咪用另一樣代替,我就唔信你冇其他優點.
其實你都可以試下培養自己搞笑d,但係呢樣野多數都係天生.
即係一個人平時好開心,中意玩就會搞笑d.
但係如果本身唔搞笑,就可以睇下其他人點樣講笑,睇下笑話學習.
但係如果有時講完d自以為好好笑ge野,反而比人笑你搞爛gag咪仲醜.
所以學唔到就唔好勉強.
你做番你自己就可以.
因為有d女仔反而唔中意d人嬉皮笑臉,成日正係識得玩,
又係到懶好笑咁,佢地會覺得呢種人係玩世不恭又輕佻ge無聊人.
相反,可能有d女仔會中意d正正經經,成熟穩重,斯文又少出聲ge人.
所以,唔同性格都有可取之處.
你都唔好隨波逐流迷失左自己lar,知道嗎?

我覺得男仔講笑好容易令場面輕鬆, 我有個同事平時好COOL, 但突然間講下笑你會對佢有改觀...需要唔係好好笑, 不過令人開心係好事, 所以搞下笑都唔錯吖~

唔一定鐘意ｄ攪笑既人
如果你特登變到識講笑咁就冇左你自己ｄ性格
順其自然

無錯咖 ..
我係女仔 ..
以我角度來睇 ..
我覺得女仔會鐘意個男仔成日tum佢笑 ..
無論外表睇落幾COOL既女仔都想男仔主動啦..
同埋有幽默感..亦都要時不時比下驚喜佢..
吾需要話咩太大件事既驚喜..平時用下腦..
去諗下送花或者帶佢去特別既地方..
等佢留底好印象..要記住..女仔鐘意男仔吾單止係識講笑..