我覺得我的西摩犬有過度活躍症

我果隻銀狐仔仔同你果隻好似,佢3個半月大,佢又係晚上唔訓覺,我開頭都覺得佢有過度活躍症....但後來發覺佢其實係細膽唔咁一個人訓....
以前我會長時間困佢係籠/圍欄內,佢就會想盡方法逃走...佢自己個籠既設計係咬唔到尿片既,佢就試過咬囡囡既尿片...有次我唔記得拎走換出黎既尿片,佢又咬欄晒...總之一無人睇住佢,佢就會周圍搵野咬,例如紙巾,紙袋,書...
佢晚上係邊度訓架?同你同唔同房?你會唔會困住佢一個? 我隻仔仔就自己一間房,佢就唔肯訓...最近比佢自己出入我間佢,佢就會係我床邊訓...精神依家好左...
你通常係放佢周圍行定係困住佢架?你多唔多時間陪佢呀?佢咬片可能係牙癢,覺得d片好咬...又或者係想引人注意/發脾氣...
你有無比床仔佢訓架?佢可能覺得個廁所係佢既地方,有安全感,所以佢係果度玩囉...我隻囡囡之前成日困籠(因為佢有病,要格開),後來放佢出黎比左張床仔佢,但佢都係鍾意將d野拎返入籠食/玩...慢慢佢先習慣拎去床仔食/玩...

西摩對運動量需求極大 (每日起碼出一次街), 帶佢出街玩多D, 日頭俾D骨骨或公仔佢消磨時間~
唔得閒帶佢出街果日都要響屋企追下波波, 總之要放晒佢D電~~
咁佢平時響屋企搗旦O既行為會明顯減少, 夜晚又有覺好訓喇~~
(因為佢每日都會好乖咁等你帶佢出街, 佢知出左街會有更多新奇刺激好玩O既野等緊佢, 其實響一個冇人O既屋企十幾個鐘頭都真係會悶到癲, 佢淨係玩尿片咪俾面你咯)

玩尿片呢樣野係你O既錯, 所有狗仔都好似人類BB咁, 乜都玩得一餐, 乜都擺落口, 你明知佢有玩尿片記錄就應該買個狗廁所俾佢, 蓋住塊尿片等佢玩唔到. 雖然話痾得返出黎姐, 都唔可以咁大意乜都俾佢搞到家嘛~

將所有雜物整頓下先! 如果你個家居能令一個人類BB自由行都安全, 先至等如對你隻狗BB安全! 電線食物垃圾要收起, 收唔起果D就搽幾滴白花油落去等佢唔會接近, 如果太多野收唔起就索性買圍欄, 限定一個安全O既地方俾佢活動~

記住, 佢只係一個BB, 佢不斷咁EXPLORE緊呢個世界(即係八卦), 你要製造一個安全O既家居環境俾佢呀!!

2007-03-10 18:51:54 補充：
搗蛋並唔係過度活躍症

狗未必好似人咁，bb一定鍾意瞓覺，相反狗bb玩極都咁好精力，人攰佢都毫冇倦意，可以的話，應該每天帶佢去跑一次步，等佢有機會發洩精力，唔係就會周圍發掘新野玩，當然狗尿片都可以係玩物之一。大部份的狗狗都貪食，除了一般狗玩具之外，你可以買一些可收藏小食的玩具來給牠消磨時間，除此之外，也要為牠隨時準備一些耐咬的骨頭及小食以增加新鮮感。當然，每當你發覺牠的惡意破壞時也要即時的懲罰，牠乖時就要有適當的獎勵，以下的網頁可讓你知道多些養狗知識和買到提及的產品:
http://hk.geocities.com/kimpong2000/untitled2.htm
http://www.pet28.com/profile.asp?id=15443
http://www.pet28.com/profile.asp?id=15761
http://www.pet28.com/profile.asp?id=3151
http://www.pet28.com/profile.asp?id=2395
http://www.pet28.com/profile.asp?id=2767

狗的聽覺很靈敏，少少的聲音都會醒，會不會是牠的居住環境很嘈 ??

如果佢亂咬野，你可以加少少懲罰，等佢知道這樣做是不對的，或是在牠要咬東西之前罰牠.....久而久之就會唔亂咬野....

4 個月仲係 bb 狗，要訓練就要趁呢個時候喇。