貿易高手請進 D/A D/P 急！急！

首先我當你是出口商，下面是D/P 和D/A 的意義和分別: ( 你是入口商就另見下面)

D/P, Document against payment: 付款交單
D/P 要經銀行，你交船務單據去買方銀行或者經你自已銀行入單轉交，買方銀行收單後，會叫買方上黎收單，買方願意收單，就立即要付款才能取走單據，無錢無得取貨。賣家取得走船務文件，買家就一定收到錢，因為銀行已經收左錢或 擔保左(借錢給買家取貨)。

D/A , Document against acceptance 承兌交單，一定有限期 一定要講幾多日後付款，即是 D/A 30 days 或者 D/A 45days 即承兌後30天付款(D/A30days)，或承兌後45天付款( D/A 45 days)
D/A 要經銀行，你安寄船務單據去買方銀行或者透過自已銀行寄去對方銀行，買方銀行收單後，會叫買方上黎收單，買方願意收單，無錢都能立即取貨，簽名提走就按照多少天後付款。賣家就等到期才收錢。如果到期時，買家破產或走路或者簡單講有錢都唔肯付，咁買家就收唔到錢。

好喇，D/P, D/A 在貿易上除左我上面講，都還有風險架，你做D/P或D/A，出左貨去美國，要個幾月海運，途中你買家執笠走路，你的貨未無人要囉，兼且買家有權話你的貨唔關我事，我根本無訂過，我唔會要 ( 但當地銀行會blacklist佢) 但你就慘喇，當然你可以告佢，不過無人收貨呀!

如果你是入口商，用D/P 或 D/A 找數，其實即是將上面反轉來看，你收到銀行通知有人要 D/P 叫你付款取單，你願意就付款，然後才取得提單提貨，如果是D/A 幾多天，你只需向銀行蓋印簽名，同意多少天後付款，已經可以拿走單據，不用立即付款，到時才付款。

Documents against acceptance (DA)
其實係個客accept幾時比錢就幾時比錢, 無保障既一種. 因為forwarder唔使睇文件就放貨; 同open account分別不大.
documents against payment (DP)
個客一定要有document (即係做左payment, 由銀行出文件証明)佢先可以用文件去提貨.
不過, 提示: 唔好用佢既forwarder; 佢同間forwarder熟, 就隨時可以就提貨鬆人.最後就算同iafa投訴, 都無用.