狗狗吮脚趾,怎防止??

買返枝黃油啦!
佢而家有濕疹, 你可以用棉花蘸少少黃油搽落腳趾度, 可以止痕之餘, 黃油陣除好難頂, 佢唔會繼續舔, 保持乾爽就會自己好返~ 不過唔好搽咁多, 一日兩次左右夠喇, 否則D毛會變黃嫁!!
唔好用崩帶或著鞋仔, 因為UP住隻腳會發得仲犀利, 要通風及保持乾爽呀!!
記得得閒留意下佢D腳趾隙縫, 出完街要清潔, 清潔完要吹乾, 呢排天氣咁潮濕佢地好容易有濕疹, 開抽濕機或冷氣機啦~

既然佢生咗瘡瘡，就要同佢睇醫生，擦藥膏。只要佢粒瘡瘡好翻，自然唔會再舔。
狗狗以為舔下就會好翻，但實情係越舔就越難好。防止佢舔以便粒瘡瘡快啲復原，亦等佢唔會舔走啲藥膏，你要幫佢帶個燈罩，獸醫處有得賣，幾十蚊一個。
唔好用崩帶包住佢隻手，因為up住，冇空氣流通又潮濕的話，會令傷口滋生細菌，甚至惡化至潰爛。