狗幾大先可以沖涼

而家佢先得1個月大, 針都未打齊, 你千祈唔好帶佢去寵物店沖涼呀 >.<
果度其實有好多細菌架, 因為寵物店實在太多狗隻出入過,
佢而家抵抗力好低, 一個唔好彩感染倒, 狗 b 就麻煩啦 ~.~

呢幾日天氣凍, 唔好同佢沖涼住, 如果你真係頂唔順, 覺得佢好污糟
你可以用熱水整濕毛巾同佢抹身, 過程中你最好閂埋晒d窗, 等佢冇咁易吹親ma,
等天氣回暖番d, 你就自己幫佢沖啦, 係浴缸準備定個盤仔, 開暖水, 用毛巾濕水再濕落佢度,
唔好直接放佢入盤水度呀, 佢會好驚ga, 等佢個身濕晒後就同佢查dog shampoo,
之後再用毛巾濕水黎同佢沖番乾淨d shampoo, 跟住要盡快用大毛巾幫佢抹身,
再用風筒同佢吹乾, 吹既時候佢會驚ga, 你最好搵個人幫你拎風筒, 你就一路攬住佢,
一路幫佢掃d毛, 一來佢會有安全感冇咁驚, 二來會容易d吹~ 起碼佢唔會掙扎ma :p
我之前拎隻史納莎bb番黎時, 佢都係得個零月大咋,
我都係咁樣做ga~

記住沖時唔好整到水入耳仔喎 ^^

2007-03-08 12:59:37 補充：
唔記得同您講, 最好等佢打齊針先好帶佢去寵物店沖涼及美容,呢幾個月就算佢d毛長, d手指甲又長, 你都忍下手, 唔好帶佢去呀除非你自己幫佢攪啦~

3支預防針未打齊之前都唔可以同佢沖涼，只可以用潔身紙同佢抺身，因為怕同佢沖涼時會冷親而令佢傷風，佢咁細仲未有足夠的免疫力，會好容易因為傷風而變成狗瘟，都係小心為上。以下的網頁可讓你知道多些養狗的知識及買到優質的寵物用品:
http://hk.geocities.com/kimpong2000/untitled7.htm
http://www.pet28.com/profile.asp?id=15441
http://www.pet28.com/profile.asp?id=8639
http://www.pet28.com/profile.asp?id=8641
http://www.pet28.com/profile.asp?id=706
http://www.pet28.com/profile.asp?id=654

最好唔好沖完
而家仲係1個月大好細個
未打齊針, 好易冷親架
暫時用住濕毛巾幫佢抹下個身先啦
最好4個月到先幫佢沖涼
記得要吹乾淨d毛毛呀

最好到佢5個月大至同佢沖涼.
1個月大太細啦.狗狗太細不宜濕水沖涼, 其實未打齊針之前都不宜濕水沖涼. 因為佢抵抗力比較差, 濕水沖涼如果吹毛吹得唔夠乾o既話會容易病. 你可以去寵物店買支沖涼粉, 每二, 三日幫佢梳散D毛, 將沖涼粉倒落dog dog個身度, 再用針梳梳散D粉,再用風筒吹走多餘的粉.我以前都係o甘幫我隻cookie(松鼠仔)沖涼.

2007-03-08 13:29:58 補充：
到佢5個月大, 打齊針,如果你唔識幫佢濕水沖涼o既話, 最好就帶佢去寵物美容店俾人幫佢沖涼. 沖涼大約百多元. 呢d錢唔慳得ga. 如果你幫佢濕水沖涼但吹毛吹得唔夠乾o既話會容易會有皮膚病, 或者會凍病佢.到時帶佢去睇獸醫你話邊樣平啦.