請教養貓專業人士

初生貓仔都係未開眼ga~要大約1-2個禮拜先會完全開晒眼~
有眼屎你可以用棉花濕少少水幫佢細細力咁抹左佢..但一定唔可以大力
我之前接生ge小貓到第3個禮拜開始試過對眼會流綠色ge野出黎..
但係帶佢睇醫生..醫生話佢地太細冇辦法救佢地..
足之有一隻死左..另一隻就大大下自己好番
所以你要小心照顧佢地..因為貓仔ge死亡率係好高ga
同埋流浪貓天生身體會比較差..因為佢地媽媽唔夠營養

係唔可以俾人飲ge鮮奶佢地ga..因為佢地ge胃受唔到果種酸性佢地會肚痛ga
你要去寵物店買貓BB飲ge奶..可以買奶樽按時按份量俾餵佢地飲
佢地會叫係正常ga...因為媽媽不在嘛..盡可以多撫佢地..
同埋佢地e+唔識得自己排便..你要做貓媽媽的角色
每日禁佢地ge肚仔同pat pat幫佢地排便

至於佢地爬黎爬去..爬去另一隻都係正常的~
佢地肯食同玩肯叫都冇問題~

正常初生貓咪由出世頭七至十四日內會開眼.

照你所講佢地其中有一隻有時開眼有時又唔開眼,唔係因爲初生貓咪,係因爲個隻貓咪對眼有病,貓咪有眼疾,會分泌好多淚水,太多淚水同乾左變成眼屎.所隻貓咪係已經開左眼架喇,有時因爲D眼屎"張"住左對眼又合埋囉,當D眼屎甩左咪可以打開眼.

貓咪梗係可以飲奶喇,你去寵物店買D貓BB奶粉比佢地飲啦,我自己就試過比人飲嘅牛奶佢地飲.你可以用飲管餵佢地飲.

應該係有眼疾個隻唔啃飲奶係米?馮係貓狗有病都會對其它野無晒興趣.
而另一隻食完又叫係因爲佢揾媽媽.始終佢地重係bb嚟丫馬.

建議你盡快帶貓咪去做檢查.咁對人同貓都有好處.

你要加油呀.

2007-03-10 23:39:59 補充：
貓唔係小氣係要分等級.佢嚟先(論貓介)佢自己會覚得係高貓一等,再嚟嘅會係次一等,點計都係低級過佢.其實你做錯左一樣野,你係攞新貓番嚟要張新貓困籠,目的係要新舊貓有個適應期,大約係两個星期啦.因爲尼D係我嘅經驗之談,我都係一開始就做錯左,所以新貓(一隻)舊貓(五隻)打到七彩,要大概一年倒程況先受到控制,因爲佢地大家都係大貓.但你嘅情況已經好D喇,因爲大貓點都會讓細貓嘅,但係你要睇到佢地實一實一段時間之得.細貓大大下會撩大貓玩架,如果大貓未接受佢地會打佢地架.

首先要帶兩隻小貓去看醫生先，要看看貓貓的情況如何！如果是初生小貓若在１０日之前的，應該是未斷臍帶，眼亦應該未開晒，牠們唔應該飲鮮奶，你應該去買一些專比小貓食用０既貓奶粉去餵牠們，因為看你話有一隻唔肯飲奶，我驚牠會有問題，貓仔成日叫有好多原因的，凍同冇安全感或者肚餓與及揾貓媽媽都會叫，你要幫牠們保暖，因為三個星期以下的小貓是未能維持自己的體溫的，初生小貓最容易受到細菌感染的，如果萬一受到了感染，可能會在不足２４小時內死亡！
另外新生小猫花很多時間吃奶，一天要吃奶８個鐘頭左右，每隔３－４小時飲一次奶，每次大概吃幾多要視乎貓仔的吸收而定。但如果你發覺牠們唔肯再飲，那表示牠們已經吃飽了，切忌過量餵食，待小貓吃飽了，你要撫摸牠，這點很重要，因為牠們會覺得很開心，飲完奶奶以後，要用濕紙巾或毛巾之類的東西去面巾紙，柔軟一些的。 蘸温水，輕輕擦拭小貓的便便處，可見其大小便。 要一直擦到干净為止。 嘘嘘可能微黄，BB應該係淡黄色的，在正常情況下，應該在餵奶奶之後就會有尿尿，不多於每日四次，直到牠們完全可以自行去厠所為止，若為一個月大左右，不過個人始終覺得，你最好去醫生看看好ｄ，始終有專業意見會較好