坐月有什么禁忌？？

1. 儘量不要出外, 特別頭兩個星期, 自己都覺得自己體力差, 更加唔好帶BB出街, 因為兩個身體這時候是最弱的; 如果有需要, 一定要保暖, 即使夏天都要帶定外套, 以防室內冷氣凍親; 因為你都要帶BB去健康院登記檢查和打針, 香港空氣又差, 四圍又多傳染病, 小心為上

2. 基本上, 坐月時唔好洗頭沖涼, 係因為產婦生完"疏風", 容易入風和濕, 所以唔可以用 "生水", 即未煮熟的水; 如果要沖涼和洗頭, 一定要用全熟水, 不可以用水喉水; 熱水爐的水不是全熟水, 唔可以用. 而且要用薑水, 通常是煮薑醋時, 留起批出來的薑皮吹乾, 坐月時煲水洗頭沖涼, 仲要煲一大盆, 成盆攤到合適溫度才用來沖洗, 不可撞水喉水(生水)溝凍, 用晒薑皮, 可以拍一大舊薑去煲薑水.... 我本來都長頭髮, 臨生時剪短晒. 一來方便, 二來衛生, 用薑水洗頭, 都唔使煲咁多和攤咁耐... 我連洗手洗面都是用熟水的; 另外又買了乾洗頭髮的清潔劑.....

3. 有身孕, 家居話唔可以做裝修, 張床更加唔拆後唔搬得, 這是中個風俗傳統... 信不信由你... 所以生左先搬啦... 如果唔係話真係無地方比BB瞓...

當然唔好去買餸啦, 街市咁污漕, 除非你去supermarket啦... 仲要快...
唔煮飯, 你慘定老公慘? 你咁辛苦生BB湊BB, 做老公理應將就下, 甚至應該係佢煮啦...
anyway, 個時我都有煮, 不過全程戴住手術手套做嘢, 因為唔可以掂生水, 咁洗菜洗肉無理由用熟水...所以要去藥房買定一大盒手術手套... 是我媽和奶奶幫我買餸, 一次買幾日比我囉....

請陪月, 如果一日去你屋企兩次, 主要煮飯燉嘢比你食, 同BB沖涼(因為你唔掂得生水, 除非你成盆熱水攤暖), 都唔會太貴, 4000-5000, 如果要成日陪住你, 好似要成9000幾至一萬, 現在的陪月很專業, 又有受訓.. 不過真係幾貴, 你可以揀一日黎一兩次, 有人幫你買下嘢都好... 如果有親人仲好, 話晒有個人陪下...

我都相信母愛是最偉大, 可以犠牲所有嘢...一定得, 當然做爸爸的都要出一分力, 要關心關懷媽媽和BB.....

最好買定個電子燉盅, 坐月是身子最弱的時候, 也是最受補的時候, 唔燉藥材, 都燉下雞湯比自己飲, 普通咁淮山杞子紅棗等藥材都可以的了, 不一定要用貴藥材... 唔使睇火, 又保溫, 除時有得食, 起碼都補充下體力...


坐月期間注意飲食
順產：藥材燉品須於生產後最少十二天才開始進食。
開刀分娩：藥材燉品須於生產後最少三至四星期才開始進食，如產後惡露（體內積存瘀血）未清，燉品不宜用大量藥材。
餵人奶：湯水多以魚湯為主，但無鱗魚、生魚忌用。另忌食回奶（停奶）食物，如乳鴿、內臟、豆豉等。一般產婦多以豬 水或炒豬 為補血食療，但母乳餵哺產婦不宜食用，因豬膶有回奶作用。



坐月食譜

坐月的一個月內多吃以下菜式有益。

薑炒飯：（注意：開刀者不宜食）
薑切絲，可加蛋去炒。

生完小孩何時可開始食薑飯？順產？開刀？
順產於生產完小孩即可開始食薑飯，而開刀則最好於可開始進食固體食物時先可吃薑飯。

木耳煲豬腰水：
豬腰去根（可在買時叫人去埋），用鹽去孱再出水，切片後加薑及木耳（產後可助去瘀血）煲約二十分鐘即可。
如想補血可加埋紅棗一齊煲。豬腰可補腰，產後必食。
如餵人奶千萬不要食豬膶，因會收奶。

豬腰焗飯：
豬腰去根（可在買時叫人去埋），用鹽去孱再出水，切片備用。
飯在將近熟時，將已切片的豬腰及薑絲放入飯內一齊煲。

雞酒：
雞半隻（要出水）
純米酒（要買靚些的牌子）
將出了水的雞放入燉盅內，可加鹿茸／當歸等（視乎個人口味），將整枝米酒倒入盅內，燉三至四小時即可。
在飲時感覺不到有酒味，所以不喝酒的人亦可喝，但由於含酒精，飲後會想睡，因此最好晚上睡前飲。

喝雞酒會不會對哺乳造成影響？
雞酒其實是不錯的補品，最重要係煮的時候煮久一點，除去了酒味先喝。就不會喝到太多酒。坐月期間偶而喝一、兩次應該不會有太大影響。



坐月期間(產後至產後一個月)︰
薑醋對產婦的好處
產婦產後即時可以飲用薑醋。薑醋對產婦身體早日康復,尤其是對內生殖器官的復原極有幫助。薑醋有袪風散寒、活血去瘀、幫助子宮收縮的作用；豬腳含有大量鈣質,而薑醋可以將之軟化、有助產婦補充失去的鈣質。而雞蛋含有八種人體必需的氨基酸，多種礦物質和維他命等多種成分，對產婦身體補益大有好處。
烹煮薑醋的方法及須知
產婦產後所服用之薑醋可以在預產期前兩星期製作，先將生薑用清水洗乾淨，刮去薑皮，切厚件，然後放入鐵鑊內(不必加油)烘乾水份，要不斷反覆炒，以避免烘焦。待生薑乾水，薑面微轉黃色後，然後放入生油和幼鹽爆香。豬腳(喜歡吃肉的，可以買豬手)預先斬件，放入滾水中出水，再用清水洗乾淨，放入鐵鑊內加適量生油爆香與巳經爆炒過的生薑一齊放入瓦煲內，放入甜醋浸過生薑和豬手，開火煲至醋滾，便可原煲離火。冷卻之後，即可用紅紙封好煲蓋。如果未到產期，隔星期左右再煲滾一次。
喜歡吃醋蛋的，可以先將雞蛋蒸熟去殼之後放入薑醋內，但是放雞蛋必須要在吃薑醋前早一兩天才放。因為雞蛋白給醋浸得太硬，較難消化，反而無益。由於產後第十二天才可以進食肥膩食物，所以豬手或豬腳在產後第十二天之後才加入薑醋內比較好。


滋潤乳鴿湯　坐月啱飲
用咩料：
乳鴿6
金華火腿1
北 5片
薑2片
2條
杞子5錢
桂圓肉5粒
瘦肉2
清湯5碗

1.乳鴿洗淨，連同切粒的金華火腿和瘦肉放入滾水中汆燙，撈起。
2.將汆燙過的材料放入冷水中，洗清血污備用。北 茋、杞子和圓肉放入滾水略燙，撈起。
3.北茋、杞子和圓肉先墊盅底，放上乳鴿和薑、葱，加入清湯至滿，蓋上盅蓋後，用砂紙包面，噴水封實。水滾後轉小火，隔水燉3小時，調味即成。
小貼士：
1.燉湯時以砂紙把燉盅包實，能保存湯的香氣和原味。砂紙可以在文具店買到。
2.所有材料先汆水才燉，可以令到湯水更清澈乾淨。

請問这篇文章有没有英文版 我女儿快要生了 不会看中文
有的話是什么綱址
谢谢你

不要出街, 是為免著涼, 因為產婦和BB的抵抗力很低; 如無必要都是不要出街了. 如有需要, 如帶BB去健康院, 一定要著暖d, 寧可熱都不可冷親... 手尾好長.
不要掂生水, 要擺定壺開水(煮過攤凍)在洗手間, 洗面洗手等都要用開水; 沖涼洗頭都唔可以用花洒, 就算是熱水爐, 都不算是熟水, 因為都未煲滾, 要用薑皮水或薑水, 煲大滾, 成盆攤凍.... 所以話坐月唔可以沖涼洗頭... 如要做家務, 如煮飯等, 不可濕水, 要帶著手套做, 可以去藥房買定一盒手術用手套, 貼手又方便... 同BB沖涼都要攤涼成盆熱水.. 或可戴手套..
不可食生冷食物; 因為體質偏寒涼; 不要食鴨, 芋頭和蝦蟹, 因為會令傷口痕癢; 如用母乳, 不要吃豬肝, 豆豉和乳鴿, 因為會回奶.
可以涼冷氣, 反而不可吹風, 即不可以吹風扇和撥扇...
惡露過後, 要食薑醋, 因為可補充鈣質和鐵質; 如不進食藥材補身, 也是燉雞湯或肉湯進補, 提議用電子燉盅, 不用睇火又保溫, 幾時都有得食. 一日可食一盅, 湯和肉同吃...

坐月可以出街, 但越少時間越好, 以免感受風寒. 特別是BB, 未打晒預防針, 容易感染病菌, 媽媽生完BB, 元氣大傷, 要多多休息. 如真的要出外, 大小都要保暖, 即使天氣不太凍, 但因為大小的抵抗力都比較弱, 穿多一點, 多帶件外套, 以防萬一.

我第二胎都是過年前生, 若可避免都沒有出外. 過年時BB尚有一個星期才足月, 除了提早擺滿月酒外, 只去過一兩次街.

中醫話坐月內感受風寒, 手尾好長....