勝利道寶貝樂園寵物店係咪黑店黎架？？

好多人經常問呢個問題，可以大膽答你，每間都有機會做黑店，有大量廉價既貨源，明知風險大，但利潤高，無可選譯下為求生存，唔顧得名譽咁多，都會行呢條路。
來貨時巳做好準備，一般在繁殖場多已染病，所謂繁殖場，只係一D已前養豬，後狗好價改作養狗，內裏陳設狗、籠合一，食 、住 、拉共一室，過既都係非人生活，應該唔係狗，係生仔機器至真，出生體弱易得病，運送中只要一隻帶病，全體都有機會感染，佢地會為狗隻打一枝叫激素針，可頂15日病發，從外表睇係好健康架，在此期間，好彩既有人睇中買下，回去數日後病發就醫，還可保住性命，而未能賣出者，會為佢地再補多針，呢D就叫星期狗，即時醫治都冇用，因病箘巳深入五臟六腑，神仙難救，所以會聽到D人話，醫左3、4日就死，正式係星期狗嗎，就係咁解。
如果你無多一萬幾仟係身既，我見議你最好唔好念啦，醫葯費分分鐘可買出賽級數架。
保障D，去一D大型店鋪或澳洲入口既，須然價錢會在4、5仟蚊起跳，但有雙重檢疫保險嗎，唔使到時錢狗兩空，重要激到一肚氣呀。

我之前都係寶貝樂園買左隻西施,張單寫住1星期內,如有問題可以更換,隻西施第4日已經嘔吐,冇厘精神,第5日早上就帶佢睇醫生,醫生就話佢染上狗瘟,下午就帶返佢去寶貝樂園厘論,跟住個職員就話要取返隻狗,去佢地自己狗場住返兩星期醫返好佢,到兩星期之後,我再去寶貝樂園問佢隻西施點樣,個職員話佢都晤得,要我選擇第2隻,之後我就選擇隻北京,到養了現在都2歲了

係黑店。芝娃娃的合理價錢是$4000~6000，佢賣得咁平一定係大陸狗場的。
買回去會唔會幾日內死掉，就睇你彩數啦。
我有朋友在那裡買了隻松鼠，但越養越大隻，根本係雜咗的，只是bb仔時睇唔出係雜咗。
唔好幫襯黑店，趕絕他們的生存空間，咁就唔會有咁多枉死的狗同傷心的主人﹗

喺寵物鋪買狗真係好大風險
你問下佢有冇14日健康保證
有好多人喺大陸攞狗返黎賣
仲要話係澳洲種, 買貴好多倍
明明隻狗係有病, 同佢地打左d針
睇落好似好健康活潑
仲要睇下狗狗有冇痾爛屎呀
其實有d病, 例如狗瘟,病毒性腸炎潛服期都有7-10日
所以記住佢間寵物鋪簽定健康保證既協議呀
而家都有好多自家繁殖既狗狗買
我上網見過有長毛芝娃娃
價錢都好合理
我自己2隻狗都係自家繁殖買返黎既
都好健康冇病痛
不過揀狗都係自己合眼既姐

佢係,賣大陸9ga