~~名醫~~

我以前喺大公司做嘢，睇西醫唔使錢。有一次大感冒，頭痛得好犀利，2日病假後個頭都仲喺好痛。第三日要再去睇攞假紙，行過一個中醫門口見到佢晨咁早(9.05am)就有5個病人喺度等緊，嗰時諗橫掂個西醫都未開診，不如睇吓個中醫點講，最多唔食嗰啲中藥。點知佢把完脈將我身體所有暗病都講晒出嚟，包括我嘅頭痛！我一向睇西醫要話俾佢聽我邊度唔妥，佢先開藥，咁我就對呢個中醫有信心，變咗淨係攞西醫張假紙，番屋企即刻煲藥。食完第一劑無幾耐，我個頭就好痛(比未食藥前更痛)，好似有嘢喺頭殼頂俾「且」出嚟咁，大約一個鐘頭後，呢種「且」出嘅感覺停咗，啲頭痛減輕咗，咁我更加有信心繼續食中藥，如是者第二日第三曰都係咁，三劑就無晒啲頭痛！
之後，我情願自己俾錢去睇中醫，但只限內科，如果係外科做手術或需要儀器檢查，就要西醫！
佢嘅地址: 九龍石硤尾偉智里金玉大厦商場1樓336號(石硤尾地鐵站C出口右轉直落橫過咗南昌街見到個公園仔側邊嗰座就係)

要預約： 2776 6056

診症時間：
星期一至三/星期五至六: 上午九時至一時/下午四至八時
星期四/公眾假期： 上午九時至一時
星期日: 休息